சந்திராயன் விண்கலம் அடுத்த ஆண்டு ஏவப்படுகிறது ஏற்பாடுகள் தீவிரம்

நவீன் · நவீன் Thu Aug 05, 2010 3:56 pm

புதுடெல்லி

இந்திய விண்வெளி ஆராய்ச்சிக் கழகம் (இஸ்ரோ) சமீபத்தில் சந்திராயன் விண்கலத்தை நிலாவுக்கு ஏவி ஆய்வு செய்தது. சந்திராயனில்
பொருத்தப்பட்டிருந்த அதிநவீன முப்பரிமான காமிரா மூலம் நிலாவின்
மேற்பரப்பும், உள் பகுதிகளும் படம் பிடிக்கப்பட்டன. அதன் மூலம் நிலாவில்
என்னென்ன தாதுப் பொருட்கள், வளங்கள் இருப்பது தெரியவந்தது.

சந்திராயனின்
ஆய்வுகள் மற்றும் போட்டோக்கள் மூலம் நிலாவில் எதிர்பார்த்ததை விட கூடுதல்
தண்ணீர் வளம் இருப்பது உறுதி படுத்தப்பட்டது. இது தவிர நிலாவில் ஹீலியம்,
மேக் னீசியம், அலுமினியம், சிலிக்கான், கால்சியம் போன்றவையும் அபரிதமாக
இருப்பதை சந்திராயன் கண்டு பிடித்தது.

நிலாவில்
எந்தெந்த பகுதிகளில் இந்த வளங்கள் உள்ளன என்பதையும் இந்திய விஞ்ஞானிகள்
சந்திராயன் மூலம் அறிந்து கொள்ள முடிந்தது. இதைத் தொடர்ந்து நிலாவில்
அடுத்த கட்ட ஆய்வை மேற்கொள்ள சந்திராயன்-2 என்ற விண்கலத்தை இந்திய
விஞ்ஞானிகள் தயாரித்து வருகிறார்கள்.

சந்திராயன்-2
விண் கலத்தில் விஞ்ஞானி ஒருவரையும் அனுப்பி நிலாவில் தரை இறங்க செய்ய
முயற்சி நடந்து வருகிறது. இந்த விண்கலத்தில் வெளி நாடுகளில் இருந்து
பெறப்படும் மிகவும் அதிநவீன கருவிகள் பொருத்தப்பட உள்ளன.

அடுத்த
ஆண்டு (2011) சந்திராயன்-2 விண்கலம் ஏவப்படும் என்று மத்திய அறிவியல்
தொழில் நுட்ப மந்திரி பிருதிவிராஜ் சவுகான் கூறினார். சந்திராயன்-2
விண்கலம் ஜி.எஸ்.எல்.வி. மூலம் ஏவப்படும்.

சந்திராயன்-2 விண்கலம் நடத்தப்போகும் ஆய்வு உலக அளவில் இஸ்ரோவுக்கு பெயரையும் புகழையும் பெற்று தரும் என்று எதிர் பார்க்கப்படுகிறது.

சந்திராயன் விண்கலம் அடுத்த ஆண்டு ஏவப்படுகிறது ஏற்பாடுகள் தீவிரம்

சந்திராயன் விண்கலம் அடுத்த ஆண்டு ஏவப்படுகிறது ஏற்பாடுகள் தீவிரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக