நக்ஸலைட் பாதித்த மாவட்டங்களின் மேம்பாட்டுக்கு சிறப்பு திட்டம்: சிதம்பரம்

நவீன் · நவீன் Thu Aug 05, 2010 1:46 pm

நக்ஸலைட்
பாதிப்புக்குள்ளான மாவட்டங்களின் மேம்பாட்டுக்கு சிறப்பு செயல் திட்டத்தை
மத்திய திட்டக்குழு வகுத்துள்ளதாக மத்திய உள்துறை அமைச்சர் ப. சிதம்பரம் தெரிவித்தார்.புதன்கிழமை மாநிலங்களவையில் கேள்வி நேரத்தின்போது அமைச்சர் அளித்த பதில்:ஒருங்கிணைந்த
செயல் திட்டத்தை திட்டக்குழு வகுத்துள்ளது. இதன்மூலம் நக்ஸலைட்
பாதிப்புக்குள்ளான 7 மாநிலங்களில் உள்ள 83 மாவட்டங்களில் வளர்ச்சிப்
பணிகள் மேற்கொள்ள முடியும் என்றார்.நக்ஸலைட் தாக்குதலால் அதிக
பாதிப்புக்கு உள்ளான 35 மாவட்டங்களின் மேம்பாட்டுக்கு ரூ. 13,742 கோடியில்
ஒருங்கிணைந்த செயல் திட்டம் உருவாக்கப்பட்டுள்ளதாக கடந்த வாரம் மத்திய
திட்டக்குழு துணைத் தலைவர் மான்டேக் சிங் அலுவாலியா குறிப்பிட்டிருந்தார்.இந்த
வளர்ச்சித் திட்டமானது இரு-முனை உத்தி அடிப்படையில் மேற்கொள்ளப்படும்.
அதாவது மாநிலத்தில் நக்ஸல் இயக்கத்தை ஒழிப்பது மற்றும் வளர்ச்சிப் பணிகளை
செயல்படுத்துவது ஆகியன இதன் முக்கிய நோக்கமாகும்.நக்ஸலைட்களுக்கு
வெளிநாடுகளிலிருந்து நிதி உதவி கிடைப்பதாகக் கூறப்படுவது தவறான தகவல்.
இதற்கு எவ்வித ஆதாரமும் இல்லை. ஆனால் மியான்மர், வங்கதேசத்திலிருந்து
ஆயுதங்கள் கடத்தப்பட்டு நக்ஸலைட்களுக்கு அளிக்கப்படுவதாக தகவல்
கிடைத்துள்ளது. நக்ஸலைட்களுக்கு எதிரான மோதலில் ஈடுபடும் முன்பாக
மத்திய ரிசர்வ் படை வீரர்களுக்கு வனப் பகுதியில் பயிற்சி
அளிக்கப்படுகிறது. நக்ஸலைட்களிடம் அதி நவீன ஆயுதங்கள் உள்ளதென்றும்,
சிஆர்பிஎப் வீரர்களிடம் உள்ளதை விட அவை நவீனமானவை என்பதெல்லாம் தவறான
தகவல் என்றும் சிதம்பரம் குறிப்பிட்டார்.இந்தப் பகுதிகளில்
மேம்பாட்டு பணிகள் ஒருமித்த அடிப்படையில் மேற்கொள்ளப்படும். அதிக நிதி
வளம் இருந்தபோதிலும் மாநிலங்கள் மொத்த நிதியில் 66 சதவீத அளவே
செலவிட்டுள்ளன என்று சுட்டிக் காட்டினார் சிதம்பரம்.

நக்ஸலைட் பாதித்த மாவட்டங்களின் மேம்பாட்டுக்கு சிறப்பு திட்டம்: சிதம்பரம்

நக்ஸலைட் பாதித்த மாவட்டங்களின் மேம்பாட்டுக்கு சிறப்பு திட்டம்: சிதம்பரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக