பாலிசியை தளர்த்திய பிரகாஷ்ராஜ்

'நான் சம்பாதிப்பதே என் குழந்தைகளுக்காகதான்' என்கிறார் பிரகாஷ்ராஜ். மனைவியை தள்ளி வைத்தாலும் மகள்களிடத்தில் எப்பவுமே இவர் 'ச்செல்லம்'தான்! குழந்தைகள் விஷயத்திலும் தன்னை ரோஜா வைக்காத நேரு மாமா என்று நிரூபித்திருக்கிறார் ஒரு படப்பிடிப்பில்.

ஒவ்வொரு நடிகர்களுக்கும் ஒரு பாலிஸி இருக்கும். அதென்ன பொல்லாத எல்ஐசி பாலிசி? சிலர் ஷ¨ட்டிங்கின்போது குடிக்க மாட்டார்கள். சிலருக்கு கேமிரா முன் நின்றாலே ஒரு 'மயக்கம்' இருக்கணும். சிலர் அவுட்டோர் போனால் தங்குவதற்கு குறிப்பிட்ட ஹோட்டல் வைத்திருப்பார்கள். அதிலும் குறிப்பிட்ட ரூம் நம்பர் வைத்திருப்பார்கள். அது கிடைக்கவில்லை என்றால் ஷ§ட்டிங்கே சில நேரம் கோவிந்தாதான்! இப்படியெல்லாம் பிதற்றும் ஹீரோக்களுக்கு மத்தியில் பிரகாஷின் பாலிஸி ரொம்ப சிம்ப்பிள். இரவு 9 மணிக்கு மேல் நடிக்கவே மாட்டார். அது ஆணானப்பட்ட சூப்பர் ஸ்டார் படமாக இருந்தாலும் சரி, சூப்பர் இயக்குனர்கள் படமாக இருந்தாலும் சரி.

சமீபத்தில் தங்கர்பச்சானின் களவாடிய பொழுதுகள் படப்பிடிப்பில் இந்த கொள்கையை தளர்த்தி இரவு 2 மணி வரை நடித்துக் கொடுத்தாராம். ஏன்? சுமார் இருபது குழந்தைகள் கலந்து கொண்ட காட்சி அது. எல்லாரும் ஸ்கூலுக்கு லீவு போட்டுவிட்டு வந்து நடிக்கிறாங்க. இன்னையோட முடிச்சிட்டம்னா நாளைக்கு அவங்கவங்க ஸ்கூலுக்கு போயிடுவாங்க. இல்லேன்னா நாம திரும்பவும் அவங்களை லீவு போட வைக்கணும் என்றார்களாம் பிரகாஷ்ராஜிடம்.

'பசங்களை காட்டி பம்ம வைக்கிறீங்களேப்பா' என்று அலுத்துக் கொண்டே அந்த காட்சியை இரவு 2 மணி வரைக்கும் இருந்து முடித்துக் கொடுத்தாராம் பிரகாஷ்ராஜ். ச்செல்லத்தோட உள்ளத்தில இன்னும் ஈரம் இருக்கதான் செய்யுது!