தினமும் எவ்வளவு தண்ணீர் குடிக்கிறீர்கள்?

தண்ணீரை, நாம் குடிக்க பயன்படும் ஒரு பானமாக மட்டுமே கருதுகிறோம். ஊட்டச்சத்து நிறைந்தது குடிநீர் என்பது பெரும்பாலோருக்கு தெரிவதில்லை. மனித உடலில் மூன்றில் இரண்டு பங்கு நீரால் ஆனது. மனித மூளை 85 சதவீதமும், ரத்தம் 90 சதவீதமும், தசை 75 சதவீதமும், கல்லீரல் 82 சதவீதமும், எலும்புகள் 22 சதவீதமும் நீரை உள்ளடக்கி உள்ளன. மனித உடலில் உள்ள ஒவ்வொரு செல்லும் நீரை சார்ந்து உள்ளது.


நீரின் செயல்பாடு:

உடல் வெப்பத்தை சமன்படுத்துகிறது. உடலில் உள்ள தேவையற்ற கழிவுகளை அகற்றுகிறது. ஊட்டச்சத்துகளையும் ஆக்சிஜனையும் கொண்டு செல்கிறது. உணவினை சக்தியாக மாற்றுகிறது. உடலானது ஊட்டச் சத்துக்களை உட்கொள்ள உதவுகிறது.


அசிடிட்டி வருவது ஏன்? :

நெஞ்சு எரிச்சல் என்பது உடலில் நீர் பற்றாக்குறையின் அறிகுறியாகும். சராசரி அளவிற்கும் குறைவான நீரை குடிப்பவர்களில் பெரும்பாலானோர்க்கு நெஞ்சு எரிச்சல் ஏற்படுகிறது. அசிடிட்டி வராமல் தடுக்க நீரை தொடர்ந்து குடித்தாலே போதும். நீரைக் குடிப்பதே இதற்கான முன்னெச்சரிக்கை செயலாகும். நீர்ச்சத்து குறைவால் உடல் சோர்வுறும்.




உடலில் இருந்து நீர்ச்சத்து சிறிதளவு வெளியேறினாலும் உடல் எடை 1-2 சதவீதம் குறைகிறது. உடல் சோர்வடைந்து சக்தியை உறிஞ்சிவிடுகிறது. விரைவில் புத்துணர்ச்சி அடைய நீரை பருகுவதே மிகச் சிறந்த வழியாகும். மலச்சிக்கல் நீர்ச்சத்து குறைவால் ஏற்படுகிறது. உடலில் நீர்ச்சத்து குறைவால், கழிவுப் பொருட்களை வெளியேற்றும் செயல் தடைபடுகிறது. உடலுக்கு தேவையான அளவு நீர்ச்சத்து கிடைக்காத போது, அது உட்புறத்திலிருந்து எடுத்துக் கொள்கிறது. நீரானது சிறுநீரகத்தை சரியாக வேலை செய்யவும் உடலில் இருந்து கழிவுகளை வெளியேற்றவும் உதவுகிறது. நீர்ச்சத்து தசைக்கு பளபளப்பை கொடுக்கிறது. தோல் சுருக்கம் ஏற்படுவது, உடல் எடை குறைவதை தடுக்கிறது.

வயிறு பசிப்பது உணவுக்காக அல்ல. மாறாக நமது உடல் நீரை கேட்கிறது. நடு இரவில் பசி எடுக்கும் போது, ஒரு டம்ளர் நீரை குடித்தால் போதும் அது பசியை போக்கிவிடும். நீரானது பசியை அடக்க பயன்படுகிறது. நன்கு பசிக்கும் போது ஒரு டம்ளர் நீரை குடித்தால் போதும் பசி அடங்கிவிடும். உண்பதற்கு முன் நீரை குடித்தால் வயிறு நிறைந்துவிடும். உணவு விரைவில் உண்பது தாமதப்படும். குறுத்தெலும்புகளுக்கு நீர்ச்சத்து தேவைப்படுகிறது.



மூட்டு இணைப்புகளின் உராய்வை தடை செய்ய நீர்ச்சத்து தேவைப்படுகிறது. நீர்ச்சத்து பற்றாக்குறை ஏற்படும் போது எலும்புகள் எளிதில் உடைந்து இயக்கம் தடைபடுகிறது. முதுகு வலியை குறைக்க மிகச் சிறந்த வழி உடலில் நீர்ச்சத்து குறையாமல், அளவோடு இருக்க செய்வதாகும். முதுகு தண்டுவடத்தில் உள்ள நீர்ச்சத்து, உடலின் மேற்பகுதியில் எடையில் 75 சதவீத சுமையை தாங்குகிறது. நீர்ச்சத்து குறையும் போது அது முதுகு வலிக்கு வழி செய்கிறது. எனவே, முதுகு தண்டுவடம் ஒழுங்காக செயல்பட நீர்ச்சத்து மிகமிக அவசியம்.


எவ்வளவு நீர் குடிக்க வேண்டும்? : ஒரு நாளைக்கு எவ்வளவு நீர் குடிக்க வேண்டும்? பல்வேறு ஆய்வுகள் பல அளவுகளை கூறினாலும் பெரும் பாலான மருத்துவர்கள் 8 டம்ளர் நீரை அருந்த சொல்லுகின்றனர். உங்கள் உடல்நிலைக்கும் வயதிற்கும் ஏற்றவாறு நீரின் அளவு வேறுபடுகிறது.


இதோ சில டிப்ஸ்:


குழந்தைகள்: ஒரு கிலோ எடையுள்ள ஆறு மாத குழந்தை 150 மி.லி., நீர்ச்சத்து உள்ள உணவை அருந்த வேண்டும். 5 கிலோ எடையுள்ள 6 மாத குழந்தைக்கு 750 மி.லி. நீர்ச்சத்து தினமும் உடலில் சேரவேண்டும். 7-12 மாத குழந்தைக்கு 0.8 லிட்டர் நீர்ச்சத்து தேவைப்படுகிறது. எனவே குழந்தைக்கு வயிற்றுப்போக்கு ஏற்பட்டால் உடனே குடிக்க ஏதாவது கொடுக்க வேண்டும்.

சிறுவர்கள்:

1-3 வயது வரையுள்ள குழந்தைகள் குளிர்பானங்களோடு சேர்த்து 4 கப்பும், 4-8 வயதுள்ள சிறுவர்கள் 5 கப்பும், 9-13 வரையுள்ள சிறுவர்கள் 8 கப்பும், சிறுமிகள் ஏழு கப்பும் அருந்த வேண்டும். 11-18 வயதுள்ளோரில், 11 கப் சிறுவர்களும், 8 கப் சிறுமிகளும் அருந்த வேண்டும்.


பெரியவர்கள்:

19 முதல் 50 வயது வரை உள்ள ஆண்கள் குளிர்பானம், தண் ணீர் சேர்த்து 13 கப்பும் பெண்கள் 9 கப்பும் அருந்த வேண்டும்.


முதியோர்கள்:

பெரியவர்களுக்கு உள்ள அளவே. ஆனால், நீர்ச்சத்து குறையா வண்ணம் பார்த்துக் கொள்ள வேண்டும்.


கர்ப்பிணி பெண்கள்:

கர்ப்பிணி பெண்கள் இடைவெளி விட்டு விட்டு இடையிடையே நீரை குடிப்பது நல்லது. கர்ப்பிணி பெண்கள் 2.4 லிட்டரும், குழந்தைக்கு பால் கொடுக்கும் தாய்மார்கள் 3 லிட்டர் குடிநீரும் அருந்த வேண்டும்.

எனக்கு மிகவும் பயனளித்துள்ளது இப்பதிவு நன்றி அண்ணா

சிவா wrote:முதியோர்கள்:
பெரியவர்களுக்கு உள்ள அளவே. ஆனால், நீர்ச்சத்து குறையா வண்ணம் பார்த்துக் கொள்ள வேண்டும்.

சபீர் wrote:எனக்கு மிகவும் பயனளித்துள்ளது இப்பதிவு நன்றி அண்ணா

ஆமாம் , சபீருக்கு உபயோகமான தகவல் தான் சொல்லியிருக்கிங்க ,

தகவலுக்கு நன்றி !

தகவலை பகிர்ந்தமைக்கு மிக்க நன்றி சிவா அண்ணா