கோடம்பாக்கத்தின் புதிய வரவு

இருக்கறதை விட்டுட்டு பறக்கறதை நினைக்காதேங்குது பழமொழி. பறக்கறதை விட்டுட்டு இருக்கிற இடத்துக்கு திரும்பி வந்தவர் விருந்தாளி ஹீரோ மைக்கேல் ஈஸ்வர். அடிப்படையில் எம்பிஏ பட்டதாரியான இவர் லயோலா கல்லு£ரியில் பயின்றவர். (இங்கதான் விஜய், விக்ரம், விஷால்னு ஏகப்பட்ட ஹீரோக்கள் படிச்சாங்களாம். சென்ட்டிமென்ட் செட் ஆவட்டும் வாத்யாரே) சரி, பறக்கிற மேட்டருக்கு வருவோம். எமிரேட்ஸ் விமான நிறுவனத்தில் பணியாற்றிய மைக்கேல் ஈஸ்வரை பயணத்தின் போது சந்தித்தவர்தான் விருந்தாளி படத்தின் தயாரிப்பாளர். அதற்கு முன்பே இவரை பார்த்துவிட்டு 'சினிமாவில் நடிக்கலாமே தம்பி. நானே புரட்யூஸ் பண்றேன்' என்று நம்பிக்கை ஊட்டியவர் பிரபல தயாரிப்பாளர் ஹென்றி. சேரன் இயக்கிய பாரதி கண்ணம்மா, மறுமலர்ச்சி, வந்தே மாதரம் ஆகிய படங்களின் தயாரிப்பாளரும் இவர்தான்.

ஆனால் இவர் நடிப்பதாக இருந்த அந்த படத்தை துவங்கவே சில காலம் ஆனதால் எமிரேட்ஸ் சர்வீசுக்கு போய்விட்டார் மைக்கேல். இவரைதான் மீண்டும் சென்னைக்கு அழைத்து வந்தது கலையார்வம். விருந்தாளி படத்தின் விமர்சனங்களில் மைக்கேலின் நடிப்பை மறக்காமல் பாராட்டின அத்தனை ஊடகங்களும்!

இனி தொடர்ந்து சினிமாதானா, அல்லது மீண்டும் விமான சேவையா என்ற கேள்வியோடு அவரை சந்தித்தோம்.

ஆமா சார். விருந்தாளியை நம்பி எமிரேட்ஸ் வேலையை விட்டுட்டேன். முழுக்க முழுக்க இனி சினிமாவிலதான் கவனம் செலுத்தணும். படம் பார்த்துட்டு நிறைய பேர் அப்ரோச் பண்ணுறாங்க. ஆனால் நல்ல கதையாக தேர்ந்தெடுத்து நடிக்கணும். அதுக்காகதான் காத்திருக்கேன். இடையில் டேம் 999 என்றொரு ஹாலிவுட் படத்துலேயும் நடிக்கிறேன். அதோட ஷ§ட்டிங் இந்த வாரம்தான் முடிஞ்சுது. கொச்சின், சூயஸ் கால்வாய், துபாய் போன்ற இடங்களில் நடைபெற்ற அந்த படப்பிடிப்பு எனக்கு ஒரு புது புத்துணர்ச்சியை கொடுத்திருக்கு. இதில் நான் மரைன் என்ஜினியராக நடிச்சிருக்கேன் என்கிறார் மைக்கேல்.

நடிக்க வருவதற்கு முன்பு ஏர்செல் உள்ளிட்ட ஏராளமான விளம்பரங்களிலும் நடித்திருக்கிறாராம். ஜிம் பாய் என்கிற அளவுக்கு பாடி ஷேப்பிலும் பளபளக்கிறார் மைக்கேல். ஒரு நடிகனா பாடி பில்டிங்கிலும் நம்மை ஃபிட் பண்ணிக்கணும். ஒரு வேளை கதைக்கு இவ்வளவு வெயிட் தேவையில்லைன்னு சொன்னால் கூட பத்து நாளில் குறைச்சுக்கலாம். இன்னும் வேணும்னு ஃபீல் பண்ணினா பத்தே நாளில் அதிகப்படுத்திக்கலாம். நடிப்பை பொறுத்தவரை இது முதல் படம் மாதிரி இல்லைன்னு விமர்சனங்களில் பாராட்டியிருக்காங்க. சிலர் நீங்க கூத்துப்பட்டறையில் பயிற்சி எடுத்துகிட்டீங்களா என்றும் கேட்கிறாங்க. அதுவே சந்தோஷமா இருக்கு. விருந்தாளியை பொருத்தவரை டைரக்டர் சொன்னதைதான் நான் செஞ்சுருக்கேன் என்றவரிடம் ஜாலியாக ஒரு கேள்வியை கேட்டோம்.

படத்தின் கதாநாயகி தியானா இப்பவும் உங்ககூட தொடர்புல இருக்காங்களா?

இருக்காங்களே... ஏன் தயாரிப்பாளர், டைரக்டர், கேமிராமேன்னு அந்த யூனிட்டே என்னோட தொடர்புலதான் இருக்கு. அதையும் மறக்காம நான் சொன்னேன்னு போடுங்க என்றார்.

விவரமாதான் இருக்காரு...!