விக்ரம் கமல் முடிவு விவகாரமாக ஒரு கேள்வி

இனிமேல் கமலோ, விக்ரமோ சம்பள பாக்கி என்று கம்ப்ளைண்ட் செய்தால், அங்க மட்டும் ஃபிரியா பண்றீங்க. சொந்த மண்ணுல சம்பள பாக்கியை அட்ஜஸ்ட் பண்ணக் கூடாதா? என்ற கேள்வி எழலாம். ஏனென்றால் இவர்கள் இருவருமே தற்போது நடிக்க ஒப்புக் கொண்டிருக்கும் மலையாள படங்களில் சம்பளம் வேண்டாம் என்று பெருந்தன்மையோடு மறுத்துவிட்டார்களாம். அப்படியென்ன சென்ட்டிமென்ட் லாக் அது?

89 ம் வருடத்தில் சாணக்யா என்ற மலையாள படத்தில் ஜெயராமுடன் நடித்தார் கமல்ஹாசன். அதன்பின் 23 ஆண்டுகளுக்கு பிறகு ஃபோர் பிரண்ட்ஸ் என்ற படத்தில் நடிக்கிறார். இடையில் அவர் நடித்த எல்லா படங்களும் கேரளாவில் திரையிடப்படும். வசூலை வாரிக்குவிக்கும் என்பது தனி தவில். இப்படத்தை இயக்குகிற சசி சுரேந்திரன் கேரளாவின் தற்போதைய வெற்றிப்பட இயக்குனர். இப்படத்தில் ஜெயராம் ஹீரோவாக நடிக்கிறார். கமல்ஹாசன் படத்திலும் கமல்ஹாசனாகவே நடிக்கிறாராம். ஆகஸ்ட் 10 ந் தேதி சென்னையிலேயே கமல் நடிக்கும் பகுதிகளை படமாக்க முடிவெடுத்திருக்கிறார் சசி. ஜெயராமும் கமலும் நெருங்கிய நண்பர்கள் என்பதால் அவருக்காக இதில் நடிக்கிறாராம் கமல். அதற்காகதான் இந்த சம்பள சரிகட்டல்.

விக்ரமும் ஒரு மலையாள படத்தில் நடிக்க ஒப்புக் கொண்டிருக்கிறார். அதுவும் ப்ரீயாக! ஏன் தெரியுமா? இவர் நடிக்கிற எல்லா தமிழ் படங்களையும் மலையாளத்தில் வெற்றிப்படமாக்கி கொடுத்திருக்கிறார்களாம். அந்த நன்றிக்கடனுக்காகதான் என்கிறாராம் சீயான்.

அதிருக்கட்டும். கமலின் மன்மதன் அம்பு படத்தின் முதல் ஷெட்யூல் எதிர்பார்த்ததற்கு முன்பாகவே முடிந்திருக்கிறது. காரணம், கமலின் முயற்சியால் அந்த டீம் எடுத்துக் கொண்ட ஒத்திகை. கப்பலில் எடுக்கப்பட்ட போர்ஷன்கள் ரீடேக்குக்கு வேலை வைக்காமல் மளமளவென்று ஷ§ட் செய்யப்பட்டதால் முன்கூட்டியே சென்னைக்கு திரும்பிவிட்டார்கள் அனைவரும். விரைவில் ஒரு பாடல் காட்சிக்காக வெனிஸ் கிளம்புகிறார்களாம் கமலும், த்ரிஷாவும்!