ஆஸ்திரேலிய கடற்படையினரின் காமப் பந்தயம்

செரின் · செரின் Tue Jul 21, 2009 1:55 pm

ஆஸ்திரேலியக் கடற்படைக்குச் சொந்தமான HMAS சக்ஸஸ் என்ற போர்க்கப்பலில் ஆடவரும் பெண்டிருமாக 220 படைவீரர்கள் பணிபுரிகின்றனர். இக்கப்பல் தென்கிழக்கு ஆசியப் பகுதியில் தற்போது போர் ஒத்திகைப் பயிற்சி நடவடிக்கைகளில் ஈடுபடுத்தப்பட்டு வருகிறது. ஆனால் அதில் இருக்கும் படை வீரர்களோ வேறொரு ஒத்திகையில் ஈடுபட்டு வந்தது தற்போது தெரிய வந்துள்ளது.

HMAS சக்ஸஸ் (Success) போர்க்கப்பலில் பணிபுரிந்து வரும் படைவீரர்களில் ஆடவர்களில் ஒருவர் எத்தனைப் பெண் படைவீரர்களிடம் உடலுறவு வைத்துக் கொண்டனர் என்ற காமப் பந்தயத்தில் ஈடுபட்டு தங்களில் அதிகமான பெண்களுடன் உடலுறவு வைத்துக் கொண்டவர் பந்தயத்தில் வென்றதாக அறிவித்து அவருக்குப் பந்தயப் பணம் அளிக்கப்பட்டு வந்தது.

ஆஸ்திரேலிய கடற்படையினரின் காமப் பந்தயம் RAN8100122_20041203_006

ஆஸ்திரேலிய கடற்படையினரின் காமப் பந்தயம் 20080731adf8208022_002

உடலுறவில் ஈடுபடுவது பொதுவான இடம் என்றால் பந்தயப் பணம் பன்மடங்கு அதிகரிக்கும். படைவீரர்கள் ஓய்வு நேரத்தின் போது உடற்பயிற்சியில் ஈடுபடும் இடங்கள், பில்லியர்ட்ஸ் மேசை இவற்றில் உடலுறவில் ஈடுபட்டால் அதிகப் பணம் கிடைக்கும். அதோடு படையினரில் ஓரின ஈர்ப்பு உள்ள பெண்டிரைக் கவர்ந்து அவர்களுடன் உடலுறவு கொண்டால் அதிகபட்ச பணம் வெல்லலாம்.

ஆஸ்திரேலிய கடற்படையினரின் காமப் பந்தயம் R315004_1393503

ஆஸ்திரேலிய கடற்படையினரின் காமப் பந்தயம் Proceedingjan06-2

படையினரின் இந்தக் காமக் களியாட்டங்களை ஆஸ்திரேலியத் தொலைக்காட்சி சேனல் செவன் அம்பலப் படுத்தியது. இந்த அம்பலத்தைத் தொடர்ந்து இவ்வாறு காமப் பந்தயங்கள் நடைபெற்றது உண்மை தான் என்றும் முறை தவறி நடந்த படைவீரர்கள் விசாரணைக்கு உட்படுத்தப்பட்டிருப்பதாகவும் ஆஸ்திரேலியக் கடற்படை தெரிவித்துள்ளது.