விமானத்தில் பறந்து விபசாரம்:போலீஸ் பிடியில் கோவை பாலாஜி

சென்னை:தமிழகம் முழுவதும் சுற்றுலாத் தலங்களுக்கு விமானத்தில் பறந்து
விபசாரத்தில் பெண்களை ஈடுபடுத்தி வந்த விபசார தாதா பாலாஜியை, சென்னை
போலீசார் கைது செய்தனர்.கோவையைச் சேர்ந்தவர் பாலாஜி. இவர், கடந்த எட்டு
ஆண்டுகளாக சென்னை, மதுரை, கோவை, மேட்டுப்பாளையம் மற்றும் ஊட்டி ஆகிய
பகுதிகளில் சுற்றுலாத் தலங்களை குறிவைத்து விபசார தொழில் நடத்தி
வந்தார்.கோவை மற்றும் மேட்டுப்பாளையம் போலீசாரால் கைது செய்யப்பட்டு
இரண்டு முறை குண்டர் தடுப்பு சட்டத்தில் அடைக்கப்பட்ட இவர் மீது, பல்வேறு
போலீஸ் நிலையங்களில் வழக்குகள் பதியப்பட்டுள்ளன.
கோவையில் இருந்து வெளியூர் செல்லும் தொழிலதிபர்கள் மற்றும் கோவையில்
உள்ள
தனது வாடிக்கையாளர்கள் வசதிக்காக மதுரை, ஊட்டி, சென்னை உள்ளிட்ட
பகுதிகளிலும் தனது கிளைகளை தொடங்கி நடத்தி வந்தார். சென்னை போலீசிடம்
சிக்காமல் தலைமறைவான இவர், இன்டர்நெட் மற்றும் வங்கிக் கணக்கு மூலம்
விபசார தொழில் நடத்தி வந்தார். இந்நிலையில், சென்னை மத்திய குற்றப்
பிரிவில் தனிப்படை அமைக்கப்பட்டு, தீவிர தேடுதல் வேட்டை நடத்தி நேற்று
பாலாஜியை கைது செய்தனர்.விசாரணையில், டில்லி, மும்பை, பெங்களூரு, ஐதராபாத்
உள்ளிட்ட நகரங்களில் விபசார தாதாக்களுடன் தொடர்பு கொண்டு அங்கிருந்து
விபசார அழகிகளை விமானம் மூலம் கோவைக்கு வரவழைத்து, முக்கிய புள்ளிகளை
குறிவைத்து இன்டர் நெட் மூலம் விபசாரம் செய்தது தெரிந்தது.
மேலும், முக்கிய புள்ளிகளிடம், நேரடியாக பணம் வாங்காமல் பல வங்கிகளில்
உள்ள தனது கணக்குகளுக்கு பணத்தை போடச் சொல்லியிருப்பதும் தெரிந்தது.
பாலாஜியிடம் இருந்து லேப்-டாப், நான்கு மொபைல் போன்கள் பறிமுதல்
செய்யப்பட்டன.விபசார தொழில் மூலம் பாலாஜி, லட்சக்கணக்கில் பணம்
சேர்த்திருப்பதும், எட்டுக்கும் மேற்பட்ட கார்கள், சொத்துக்கள் வாங்கிக்
குவித்திருப்பதும் தெரிந்தது. மேலும், பாலாஜியுடன் தொடர்புடைய முக்கிய
பிரமுகர்கள், விபசார தாதா கும்பலின் நெட் ஒர்க் ஆகியவை குறித்து தனிப்படை
போலீசார் தொடர்ந்து விசாரணை நடத்துகின்றனர்.

இது வெல்லாம் ஒரு பொழப்பு

தொழில் நுட்ப வளர்ச்சியை தனக்கு சாதகமாக பயன்படுத்தி வியாபாரம் செய்க்றான் ,,,ந்கொய்யலே