400 ஆடுகள், 850 கோழிகளை சமைத்து திண்டுக்கலில் விடிய விடிய விருந்து

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

400 ஆடுகள், 850 கோழிகளை சமைத்து திண்டுக்கலில் விடிய விடிய விருந்து

#357941

நவீன்
வி.ஐ.பி: பதிவுகள் : 4665
இணைந்தது : 29/05/2009

Post நவீன் Wed Aug 04, 2010 9:41 am

400 ஆடுகள், 850 கோழிகளை சமைத்து திண்டுக்கலில் விடிய விடிய விருந்து Large54062

திண்டுக்கல்:திண்டுக்கல் முத்தழகுப்பட்டி செபஸ்தியார் ஆலய
திருவிழாவையொட்டி, 2,000 கிலோ அரிசி, 400 ஆடுகள், 850 கோழிகளை சமைத்து
விடிய விடிய விருந்து படைக்கப்பட்டது.திண்டுக்கல் முத்தழகுப்பட்டியில்
உள்ள, புனித செபஸ்தியார் ஆலய திருவிழா, 250 ஆண்டுகளாக பாரம்பரியமாக நடந்து
வருகிறது. ஆக., 1ம் தேதி இங்கு கொடியேற்றத்துடன் விழா துவங்கியது. நேற்று
முன்தினம், புனிதர்களின் தேர் பவனி நடந்தது. நேற்று காணிக்கை பவனி நடந்தது.
காலை 8 மணி முதல், பல்வேறு சங்கங்கள், அமைப்புகளின் சார்பில் ஆடு,
கோழிகள் ஊர்வலமாக எடுத்து வரப்பட்டு, நேர்த்திக்கடன் செலுத்தினர். மாலை 5
மணி வரை, 400 ஆடுகள், 850 கோழிகள் காணிக்கையாக வந்தன. இவற்றை சமைத்து இரவு
7 மணி முதல் விடிய விடிய அன்னதானம் நடந்தது. திண்டுக்கல்லைச் சுற்றியுள்ள
கிராம மக்களுக்கு கறிக் குழம்புடன் உணவளிக்கப்பட்டது.
ஊர் சேர்வை பாக்கியசாமி, ஊர் நாட்டாண்மை வில்லியம் ஜெயபால்
கூறியதாவது:நேர்த்திக் கடனாக வந்த அரிசி, கோவில் சார்பில் வழங்கப்பட்ட
அரிசி உட்பட, 2,000 கிலோவில் சாதம் சமைக்கப்பட்டுள்ளது. யாருக்கும் உணவு
இல்லை என்று சொல்லாமல், அனைவரும் உண்டு மகிழும் வகையில் ஏற்பாடு
செய்துள்ளோம்.தொடர்ந்து ஆடு, கோழி காணிக்கையாக வந்து கொண்டிருக்கிறது.
இவற்றில் மீதியுள்ளது கோவில் நிர்வாகம் சார்பில் ஏலம் விடப்படும். இன்று
மதியம் 2 மணிக்கு தேர் பவனி நடக்கிறது.இவ்வாறு அவர்கள் கூறினர்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1