பிரிட்டன் செல்ல தயார்: ஆஸி., வேண்டாம்:சொல்கின்றனர் இந்திய மாணவர்கள்

மும்பை:மேற்படிப்புகளுக்காக பிரிட்டன் செல்லும் மாணவர்களின் எண்ணிக்கை
கடந்த ஆண்டை விட இந்த ஆண்டு இரண்டு மடங்காக அதிகரித்துள்ளது. அமெரிக்கா
செல்லும் மாணவர்களின் எண்ணிக்கை சரிந்துள்ளது. ஆனால், ஆஸ்திரேலியா
செல்வதில் அவர்களுக்கு விருப்பமில்லை.இந்திய மாணவர்கள், மேற்படிப்புக்காக
அமெரிக்கா, ஆஸ்திரேலியா, பிரிட்டன் என்ற வரிசையில் சென்று வந்தனர். இன்று,
அமெரிக்காவில் ஒரு லட்சம் இந்திய மாணவர்கள் படித்து வருகின்றனர்.
இந்தக் கல்வி ஆண்டில், அமெரிக்கா, 32 ஆயிரம் மாணவர்களுக்கு விசா
வழங்கியுள்ளது. ஆனால், பிரிட்டன், 57 ஆயிரத்து 500 மாணவர்களுக்கு விசா
அளித்துள்ளது. கடந்த ஆண்டில் பிரிட்டன் 34 ஆயிரம் பேருக்குத்தான் விசா
வழங்கியது.இதுகுறித்து அதிகாரிகள் சிலர் கூறுகையில், "அமெரிக்க கல்வி
நிறுவனங்கள், இந்திய மாணவர்களுக்கான வகுப்புச் சேர்க்கைகளை குறைத்து
விட்டதால், தற்போது அமெரிக்கா செல்லும் மாணவர்களின் எண்ணிக்கை
குறைந்துள்ளது. ஆனால், அங்குள்ள சில முன்னணி கல்வி நிறுவனங்களில்
அவர்களின் எண்ணிக்கை அதிகரித்து தான் வருகிறது' என்றனர்.
அதே நேரம், ஐரோப்பிய நாடுகளை விட அமெரிக்காவில் கல்விச் செலவுகள்
அதிகம், குறுகிய காலப் படிப்புகள் குறைவு ஆகியவையும், முக்கிய காரணங்களாக
உள்ளன. பிரிட்டனில் ஓராண்டு, "பிசினஸ் மேனேஜ்மென்ட்' கல்வி மாணவர்களை
பெருமளவில் ஈர்க்கிறது.கடந்த 2004 - 05ல் 15 ஆயிரம் பேரும், அடுத்த
ஆண்டில் 16 ஆயிரத்து 227 பேரும், 2007ல் 23 ஆயிரத்து 500 பேரும், 2008ல்
27 ஆயிரம் பேரும் பிரிட்டனுக்கு மேற்படிப்புக்காக சென்றுள்ளனர். இந்த
வரிசையில் இரண்டாமிடத்தில் இருந்த ஆஸ்திரேலியாவில், ஓராண்டுக்கும் மேலாக
இந்திய மாணவர்கள் மீது இனவெறித் தாக்குதல் நடந்ததால், அங்கு செல்வோரின்
எண்ணிக்கையில் பெரும் வீழ்ச்சி ஏற்பட்டுள்ளது.

பிரிட்டன் செல்லட்டும்
உரித்தான ஆஸியோடு