எழும்பூர் கோர்ட் அதிரடி தீர்ப்பு

நவீன் · நவீன் Tue Aug 03, 2010 7:01 pm

கணவரிடம் இருந்து ஜீவனாம்சம் பெற்ற பெண் அவரது குடும்பத்தினருக்கு எதிராக வரதட்சணை கேட்டு துன்புறுத்தியதாக கிரிமினல் வழக்கு தாக்கல் செய்ய முடியாது என்றசுப்ரீம் கோர்ட் தீர்ப்பை மேற்கோள்காட்டி சென்னை எழும்பூர் நீதிமன்றம் கணவரின் குடும்பத்தாரை விடுதலை செய்து தீர்ப்பளித்துள்ளது.
.
சென்னை திருவொற்றியூரைச் சேர்ந்த காயத்ரி என்ற பெண் தனது கணவர் விஜயகுமார், மாமனார் ராஜேந்திரன், மாமியார் கவுரி, நாத்தனார் தேவி, பவானி ஆகியோருக்கு எதிராக கடந்த 2004ம் ஆண்டில் வண்ணாரப்பேட்டை அனைத்து மகளிர் போலீஸ் நிலையத்தில் வரதட்சணை கேட்டு துன்புறுத்தியதாக புகார் கொடுத்தார். அந்த புகாரில் தனது கணவர் குடும்பத்தினர் திருமணத்திற்கு முன்பாக 70 சவரன் நகையும், காரும் வரதட்சணையாக கேட்டனர். ஆனால் ‘தனது பெற்றோர் 40 சவரன் நகை, ஒரு மோட்டார் சைக்கிள், வரதட்சணையாக 25 ஆயிரம் ரூபாய் ரொக்கப்பணம் மற்றும் சீர்வரிசையுடன் ரூ.4.46 லட்சம் செலவிட்டு திருமணம் செய்து வைத்தனர். திருமணத்திற்கு பிறகு ரூபாய் 1 லட்சமும், 30 சவரன் நகை கேட்டு கணவர் மற்றும் அவரது குடும்பத்தினர் கொடுமைப்படுத்தியதாக காயத்ரி தெரிவித்திருந்தார்.இந்த வழக்கை சென்னை எழும்பூர் தலைமை பெருநகர குற்றவியல் நடுவர் நீதிமன்ற நீதிபதி ஆர்.கிள்ளிவளவன் விசாரித்து, விஜயகுமார் மற்றும் அவரது குடும்பத்தினரை விடுதலை செய்து உத்தரவிட்டார். அந்த உத்தரவில் காயத்ரி கணவரிடம் இருந்து விவாகரத்து கேட்டு சென்னை குடும்ப நல கோர்ட்டில் தொடர்ந்த வழக்கில் அவருக்கு ரூ.1.5 லட்சம் ஜீவனாம்சம் வழங்க உத்தரவிடப்பட்டுள்ளது.கணவரிடம் இருந்து ஜீவனாம்சம் கேட்டு மனைவி வழக்கு தொடர்ந்த பின்னர், அவரது குடும்பத்தினருக்கு எதிராக வரதட்சணை கேட்டு துன்புறுத்தியதாக கிரிமினல் வழக்கு தொடர முடியாது என்ற உச்சநீதிமன்ற தீர்ப்பு இந்த வழக்கிற் கும் பொருந்தும். மேலும் திருமணத்திற்கு முன்னரே கணவர் வீட்டார் வரதட்சணை கேட்டனர் என்ற விவரம் ஏற்றுக் கொள்ளக்கூடியதாக இல்லை. இது குறித்து காயத்ரி தனது புகாரில் தெரிவிக்கவில்லை.கணவரை பழிவாங்கவே புகார் கொடுத்தேன் என்று காயத்ரி விசாரணையின் போது தெரிவித்துள்ளார். மேலும் போலீஸ் தரப்பில் குற்றம் சாட்டப்பட்டவர்கள் மீதான குற்றச் சாட்டுகள் சந்தேகத்திற்கு இடமின்றி நிரூபிக்கப்படவில்லை என தீர்மானித்து விஜயகுமார் மற்றும் அவரது குடும்பத்தினர் வழக்கில் இருந்து விடுதலை செய்யப்படுகின்றனர் என்று கூறப்பட்டுள்ளது.

எழும்பூர் கோர்ட் அதிரடி தீர்ப்பு

எழும்பூர் கோர்ட் அதிரடி தீர்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக