ராமேசுவரம் கோவிலில் ஆடி திருக்கல்யாண திருவிழா கொடியேற்றத்துடன் துவக்கம்: வருகிற 9-ந்தேதி தீர்த்தவாரி

தென்னகத்து காசி என்று போற்றப்படும்
ராமேசுவரம் ராமநாதசுவாமி கோவிலுக்கு ஆண்டு தோறும் அனைத்து நாட்களிலும்
ஆயிரக் கணக்கான பக்தர்கள் வந்து சுவாமி தரிசனம் செய்கின்றனர். இங்கு நடை
பெறும் திருவிழாக்களில் ஆடித் திருக்கல்யாண திருவிழா மிகவும் சிறப்பு
வாய்ந்ததாகும்.

இந்த
ஆண்டுக்கான ஆடித்திருக்கல்யாண திருவிழா இன்று காலை 10.30 மணிக்கு மேல் 12
மணிக்குள் கன்னி லக்னத்தில் கொடியேற்றத்துடன் தொடங்கியது. விழாவின்
முக்கிய நிகழ்ச்சியாக வருகிற 9-ந்தேதி ஆடி அமாவாசை தினத்தை முன்னிட்டு
அன்று காலை 6 மணிக்கு ஸ்ரீராமர் அக்னி தீர்த்த கடற்கரைக்கு எழுந்தருளி
பக்தர்கள் தீர்த்தம் வாரி நிகழ்ச்சி நடைபெறுகிறது.

அன்று
இரவு 8 மணிக்கு மின் விளக்குகளால் அலங் கரிக்கப்பட்ட வெள்ளி ரதத் தில்
சுவாமி-அம்பாள் வீதி உலா நிகழ்ச்சி நடைபெறும். 11-ந்தேதி (புதன்) காலை 11
மணிக்கு அம்பாள் தேரோட்டமும், 13-ந்தேதி (வெள்ளி) காலை 6 மணிக்கு அம்பாள்
தபசு நிகழ்ச்சியும், அன்று மதியம் 2.30 மணிக்கு மேல் 3 மணிக்குள் அம்பாள்
மாலை மாற்றுதலும் நடைபெறும்.

14-ந்தேதி
அதிகாலை 2 மணிக்கு சுவாமி-அம்பாள் பூப்பல்லக்கில் வீதி உலாவும், அன்று
இரவு 7.30 மணிக்கு மேல் 8 மணிக்குள் சுவாமி-அம்பாள் திருக் கல்யாண
நிகழ்ச்சியும் நடைபெறும்.

19-ந்தேதி
(வியாழன்) காலை 6 மணிக்கு கெந்தமாதன பர்வதம் புறப்பாடுடன் விழா நிறைவு
பெறும். விழா நாட்களில் வடக்கு நந்தவன கலையரங்கில் மாலை சிறப்பு கலை
நிகழ்ச்சிகள், ஆன்மீக சொற்பொழிவுகள் நடைபெற உள்ளன. நாள் தோறும்
சுவாமி-அம்பாள் வீதி உலா நிகழ்ச்சியும் நடைபெறும்.
விழாவுக்கான
ஏற்பாடுகளை கோவில் இணை ஆணையர் இளங்கோ, உதவி கோட்ட பொறியாளர் மயில்வாகணன்,
அறங் காவலர் குழு தலைவர் குமரன் சேதுபதி மற்றும் அறங்காவலர்கள், கோவில்
ஊழியர்கள் செய்து வருகிறார்கள்.

கொண்டாட்டம் ஆரம்பம்

maniajith007 wrote:கொண்டாட்டம் ஆரம்பம்