அனைவருக்கும் கல்வி இயக்கம் சார்பில் பள்ளிகளின் கட்டிட பணிகளுக்கு ரூ.4 கோடி ஒதுக்கீடு: திண்டுக்கல் கலெக்டர் உத்தரவு

திண்டுக்கல் மாவட்ட கலெக்டர்
அலுவலகத்தில் கருத்தரங்கு கூட்டத்தில் மாவட்ட கலெக்டர் வள்ளலார் தலைமையில்
மக்கள் குறைதீர்க்கும் நிகழ்ச்சி நடைபெற்றது. இக்கூட்டத்தில் பல்வேறு
பகுதிகளிலிருந்தும் பொது மக்கள் மனுக்களை நேரிடையாக வழங்கினார்கள்.

இவற்றை பெற்றுக் கொண்டு சம்பந்தப்பட்ட துறை அலுவலர்களுக்கும் இம்மனுக்கள்
மீது கால தாமதமின்றி தகுந்த நடவடிக்கையை உடனுக்குடன் எடுத்து அதன்
விபரத்தினை தெரிவிக்க கலெக்டர் அறிவுறுத்தினார்.

மேலும்
ஒவ்வொரு துறை வாரியாக பெறப்பட்ட மனுக்கள் மீது ஆய்வு நடத்தி பொது
மக்களிடமிருந்து பெறப்படும் எந்த மனுக்கள் மீதும் நிலுவையில் இல்லாமல்
தகுந்த நடவடிக்கை எடுத்து விரைவில் தீர்வு காணுமாறும் அலுவலர்களுக்கு அறி
வுறுத்தினார்.

இந்நிகழ்ச்சியில்
அனைவருக்கும் கல்வி இயக்கம் சார்பில் புதிய தொடக்க பள்ளிகள், தரம்
உயர்த்தப்பட்ட நடுநிலைப் பள்ளிகளுக்கு வகுப்பறை கட்டடங்கள் கட்டுவதற்கும்
மற்றும் பள்ளிகளுக்கான தலைமையாசிரியர் அறை, கழிப்பறை வசதிகள், சாய்வு தளம்
போன்ற கட்டடப்பணிகள் மேற்கொள் வதற்கும் 2010-2011-ம் நிதியாண்டிற்கு ரூ.4
கோடியே 74 லட்சத்து 55 ஆயிரம் ஒதுக்கீடு செய்யப்பட்டு முதற்கட்டமாக ரூ.1
கோடியே 23 லட்சத்து 50 ஆயிரம் விடுவிக்கப்பட்டது. மேற்கண்ட பணிகள்
மேற்கொள்வதற்காக காசோலையினை அந்தந்த பள்ளிகள் தலைமையாசிரியர்களிடம் வழங்கி
திட்டப்பணிகளை மாவட்ட கலெக்டர் வள்ள லார் தொடங்கி வைத்தார்

மேலும்
உலகத்தமிழ் செம்மொழி மாநாட்டை யொட்டி தகவல் தொழில் நுட்பத்துறையின் மூலம்
12.02.2010 அன்று நடந்த பள்ளி அளவிலான இணையதள கணினித் தமிழ் வரைகலை
தனிநபர் போட்டியில் திண்டுக்கல் மாவட்ட அளவில் தேர்ச்சி பெற்ற எஸ்.எம்.பி.
சோலை நாடார் நினைவு மேல்நிலைப் பள்ளியை சேர்ந்த மாணவர் சாகுல் அமீதுக்கு
முதல் பரிசாக ரூ.3000 பாராட்டு சான்றிதழும், இரண்டாவது பரிசாக ரூ.2000
பெற்ற பழனி அரசு மேல்நிலைப்பள்ளியை சார்ந்த மாணவி வைஷ்ண வியை பாராட்டி
சான்றிதழும் வழங்கினார்.

இந்நிகழ்ச்சியில்
மாவட்ட காவல் கண்காணிப்பாளர் எம்.எஸ்.முத்துச்சாமி, மாவட்ட வருவாய் அலு
வலர் பேச்சியம்மாள், அனைவருக்கும் கல்வி இயக்க முதன்மை கல்வி அலுவலர்
மங்களம், தனித்துறை கலெக்டர் லிண்டன் ஜோசப், பயிற்சி கலெக்டர் ஸ்ரீலேகா
மற்றும் அனைத்துத்துறை அரசு அலுவலர்களும் கலந்து கொண்டனர்.