தேநீர் கடைகளில் "ரெய்டு!' கடைக்காரர் மீது நடவடிக்கை எடுக்க உத்தரவு

குன்னூர்: குன்னூரில் உள்ள சுற்றுலா ஸ்தலங்களில் தேயிலை வாரிய அதிகாரிகள்
அதிரடி ரெய்டு நடத்தினர்; சிம்ஸ்பூங்காவில் உள்ள சாலையோர தேநீர் கடைகளில்,
சாயம் கலந்த தேயிலைத் தூள் மூலம் தேநீர் தயாரித்து விற்கப்படுவது
கண்டறியப்பட்டது.தேயிலைத் தூளின் தரத்தை சீர்குலைக்கும் வகையில், தேயிலைத்
தூளில் சாயம் கலந்து விற்பதை தடுக்க, தேயிலை வாரியம் நடவடிக்கை
மேற்கொண்டுள்ளது. மாநிலம் முழுவதும் தேயிலை வாரியம், உபாசி கேவிகே.,
அதிகாரிகள் அதிரடி ரெய்டு நடத்தி, சாயம் கலந்த விற்பனையாளர்கள் மீது
நடவடிக்கை எடுத்து வருகின்றனர்.காட்சி முனைகளில் களம்:தென்மண்டல தேயிலை
வாரிய செயல் இயக்குனர் அம்பலவாணன் தலைமையில், அவரின் நேர்முக உதவியாளர்
செல்வராஜ் அடங்கிய தேயிலை வாரிய, உபாசி கேவிகே., அலுவலர்கள், இரு
குழுக்களாக, நகரின் முக்கிய சுற்றுலா ஸ்தலங்களான டால்பின்'ஸ் நோஸ்,
லேம்ஸ்ராக் காட்சி முனைப்பகுதிகளில் உள்ள தேயிலைத் தூள் கடைகளில் ரெய்டு
நடத்தினர்.கடைகளில், விற்பனைக்காக இருந்த தேயிலைத் தூள் பாக்கெட்டுகளை
பரிசோதித்த அதிகாரிகள், மொத்த கொள்முதல், விற்பனை விலை உட்பட விபரங்களை
சேகரித்தனர். சில தேயிலைத் தூளை, குளிர்ந்த நீரில் போட்டு சாயம்
கலந்துள்ளதா? என்பதையும் பரிசோதித்தனர். டால்பின்'ஸ் நோஸ், லேம்ஸ்ராக்கில்
உள்ள கடைகளில் சாயம் கலந்த தேயிலைத் தூள் தென்படவில்லை.விலைக்குள் கமிஷன்:
விற்கப்படும்
தேயிலைத் தூளின் விலை பல மடங்கு அதிகமாக இருந்தது. அரை கிலோ தேயிலைத் தூள்
பாக்கெட் 120 -140 வரை விற்கப்படுகிறது. கடைக்காரர்களிடம் செயல் இயக்குனர்
அம்பலவாணன் விளக்கம் கேட்ட போது, "காட்சி முனைக்கு வரும் சுற்றுலாப்
பயணிகளை எங்கள் கடைகளுக்கு அழைத்து வரும் பொறுப்பை, வழிகாட்டிகள்,
சுற்றுலா வாகன ஓட்டிகள் ஏற்றுள்ளனர். அவர்களுக்கு, சுற்றுலாப் பயணிகள்
வாங்கும் தேயிலைத் தூளின் விலையில், 20 சதவீதம் கமிஷன் வழங்க வேண்டும்;
தவறினால், எங்கள் கடையில் நல்ல தேயிலைத் தூள் விற்கப்படுவதில்லை எனக் கூறி
பயணிகளை திசை திருப்பி விடுவர்' என்றனர்.சிம்ஸ்பூங்காவில்
சிக்கியது:சிம்ஸ்பூங்கா முகப்பில் உள்ள சிறிய தேநீர் கடையில், தேயிலைத்
தூளை பரிசோதித்த போது, சாயம் கலந்திருப்பது தெரியவந்தது. அந்த கடைக்காரர்
மூலம், அவருக்கு தேயிலைத் தூள் விற்கும் கடையை கண்டறிந்த அதிகாரிகள்,
அங்கும் ஆய்வு நடத்தினர். குன்னூர் பஸ் ஸ்டாண்டில் இருந்த அக்கடையில்,
விற்பனைக்காக வைக்கப்பட்டிருந்த சில தேயிலைத் தூளில் சாயம் கலந்திருப்பது
தெரியவந்தது. ""கலப்பட தேயிலையை விற்க வேண்டாம்,'' என, செயல் இயக்குனர்
அம்பலவாணன் அறிவுறுத்தினார்.சிம்ஸ்பூங்காவில் இருந்த மற்றொரு கடையிலும்
சாயம் கலந்த தேயிலை மூலம் தேநீர் தயாரித்து விற்கப்படுவது
கண்டறியப்பட்டது. அந்த தேயிலைத் தூளை விற்கும் மொத்த விற்பனையாளரின்
முகவரியை பெற்ற அதிகாரிகள், முகவரிக்கு சென்ற போது, அத்தகைய கடை இல்லை.
போலி முகவரியை கொடுத்து அதிகாரிகளை அலைகழித்த கடைக்காரர் மீது, காவல் துறை
நடவடிக்கை எடுக்க செயல் இயக்குனர் அம்பலவாணன் உத்தரவிட்டார்.பரிசோதித்து
வாங்குங்க..,அதிகாரி அட்வைஸ்தேயிலை வாரிய செயல் இயக்குனர் அம்பலவாணன்
கூறுகையில், ""தேயிலைத் தூளில் சாயம் கலந்து விற்பது கிரிமனல் குற்றம்;
சாயம் கலந்த தேயிலைத் தூள் மூலம் தயாரிக்கப்படும் தேநீரை குடித்தால், பல
நோய்கள் ஏற்படும்; ஆயுட்காலம் குறையும். இந்த விபரீதத்தை கடைக்காரர்கள்
உணர வேண்டும். குளிர்ந்த நீரில் சிறிதளவு தேயிலை தூளை போடும் போது, சாயம்
கலக்கப்பட்டு இருந்தால், நீரில் வெளிப்படும்; நீரின் நிறம் மாறும்.
விற்பனைக்காக, தொழிற்சாலை மற்றும் மொத்த வணிக நிறுவனங்களில் இருந்து
தேயிலைத் தூளை வாங்கும் கடைக்காரர்கள், சிறிதளவு தூளை குளிர்ந்த நீரில்
போட்டு பரிசோதனை செய்து வாங்க வேண்டும்; சாயம் கலக்கப்படாத தூள் மூலமே
தேநீர் தயாரிக்க வேண்டும்,'' என்றார்.

நல்ல தகவல் நண்பரே.....