சைபர் கிரைம் குற்றங்களை தடுக்க போலீஸ் அதிகாரிகளுக்கு கட்டாய கணினி வழி பயிற்சி

First topic message reminder :

சைபர் கிரைம் குற்றங்களை தடுக்க துணை சூப்பிரண்டுகள் உள்ளிட்ட
அதிகாரிகளுக்கு கணினி வழி பயிற்சி அளிக்கப்படும் என்று டி.ஜி.பி.
லத்திகாசரண் தெரிவித்தார்.
சென்னையை அடுத்த ஊனைமாஞ்சேரியில் உள்ள தமிழ்நாடு காவல் உயர்
பயிற்சியகத்தில், நேசனல் அசோசியேசன் ஆப் சாப்ட்வேர் சர்வீஸ் கம்பனீஸ்
மற்றும் லட்சுமி விலாஸ் வங்கியின் உதவியுடன் தென் இந்தியா அளவில்
இரண்டாவது கணினி வழி பயிற்சி கூடம்(சைபர் கிரைம்) திறப்பு விழா நேற்று
மாலை நடைபெற்றது. விழாவிற்கு போலீஸ் டி.ஜி.பி. லத்திகா சரண் தலைமை தாங்கி,
சைபர் கிரைம் கணினி வழி பயிற்சி கூடத்தை திறந்து வைத்தார். பின்னர் அவர்
நிருபர்களிடம் கூறியதாவது:-
கணினி வழி குற்றங்களை கண்டறியும் வகையில் தமிழ்நாடு போலீஸ்
அதிகாரிகளுக்கும், நீதித் துறையை சேர்ந்தவர்களுக்கும் கணினி வழி
பயிற்சியினை அளிக்கவும், புலனாய்வு அதிகாரிகளுக்கு தொழில்னட்ப ரீதியாக
உதவும் வகையில் இந்த பயிற்சி மையம் இங்கு தொடங்கப்பட்டு உள்ளது. இந்த
கணினி வழி பயிற்சி கூடத்தில் துணை சூப்பிரண்டு, இன்ஸ்பெக்டர்கள்,
சப்-இன்ஸ்பெக்டர்களுக்கு கட்டாய பயிற்சி அளிக்கபடும். ஏன் என்றால் தற்போது
உள்ள துணை சூப்பிரண்டு, இன்ஸ்பெக்டர்கள், சப்-இன்ஸ்பெக்டர்களுக்கு சைபர்
கிரைம் பற்றி அதிக அளவு தெரியவில்லை, இதன் காரணமாகதான் இவர்களுக்கு இந்த
பயிற்சி அளிக்கப்படுகிறது. இதன் மூலம் உதாரணமாக ராமநாதபுரத்தில் உள்ள
இன்ஸ்பெக்டர் அங்கு ஏதாவது கணினி வழி குற்றங்கள் நடந்தால் அவரே அதனை
கண்டுபிடிக்கும் வகையில் இந்த பயிற்சி அவர்களுக்கு உதவியாக இருக்கும்.
தற்போதுள்ள தொழில்நுட்ப காலத்தில் சைபர் கிரைம் குற்றவாளிகள் விஞ்ஞான
முன்னேற்றத்திற்கு ஏற்ப அவர்களை திறமையுள்ளவர்களாக மாற்றி கொண்டு உள்ளனர்.
அவர்கள் கணினி வழி குற்றங்களில் ஈடுபடுவதை தடுக்கவே இப்பயிற்சி
போலீசாருக்கு உதவியாக இருக்கும். தற்போது தமிழகத்தில் ஏராளமான வீடுகளில்
இண்டர்நெட் பயன்படுத்தும் பழக்கம் உள்ளது. இதன் காரணமாக குற்றவாளிகள்
பொதுமக்களை எளிதாக ஏமாற்றி வருகின்றனர். இதனால் அதிக அளவு குற்றங்கள்
ஏற்படுகின்றன. இதனை தடுக்க பொதுமக்களுக்கு தேவையான விழிப்புணர்வு பயிற்சி
போலீஸ் மூலம் அளிக்கப்பட்டு வருகிறது. இந்த விழிப்புணர்வு பயிற்சி கிராம
புறங்களிலும் அதிகப்படுத்த முயற்சி மேற்கொள்ளப்பட்டு உள்ளது.
தேவை இல்லாமல் வரும் எஸ்.எம்.எஸ்.கள், இ.மெயிலுக்கு பொதுமக்கள் பதில்
அனுப்புவதை தவிர்த்து போலீசாருக்கு ஒத்தழைப்பு தர வேண்டும். அப்போது தான்
சைபர் கிரைம் குற்றங்களை தடுக்க முடியும். இந்த பயிற்சியின் மூலம் அனைத்து
போலீஸ் நிலையங்களில் உள்ள புலன் விசாரணை அதிகாரிகளும் கணினி வழி
குற்றங்களை புலனாய்வு செய்யும் அளவிற்கு திறமை உள்ளவர்களாக உருவாக
முடியும். இவ்வாறு அவர் கூறினார்.
நிகழ்ச்சியில் நேசனல் அசோசியேசன் ஆப் சாப்ட்வேர் சர்வீஸ் கம்பனீஸ்
தலைவர் சோம் மிட்டல், லட்சுமி விலாஸ் வங்கி இயக்குனர் எஸ்.ஜி.பிரபாகரன்,
சைபர் செக்யூரிட்டி இயக்குனர் பிரதாப் ரெட்டி, தமிழக போலீஸ் பயிற்சி
கல்லூரி துறை தலைவர் அமரேஷ்புஜாரி, தமிழ்நாடு போலீஸ் உயர் பயிற்சியகத்தின்
தலைவர் க.துரைராஜ் உள்பட உயர் அதிகாரி கலந்து கொண்டார்கள்.

மகிழ்ச்சியான செய்தி..!!! விரைவில் இவர்களும் ஈகரை தமிழ் களஞ்சியத்தில் இணைந்துவிடுவார்கள்!!!

சிவா wrote:மகிழ்ச்சியான செய்தி..!!! விரைவில் இவர்களும் ஈகரை தமிழ் களஞ்சியத்தில் இணைந்துவிடுவார்கள்!!!

அப்போ பக்கிரி ஜாக்கிரதையா இருக்கணும்

maniajith007 wrote:அப்போ பக்கிரி ஜாக்கிரதையா இருக்கணும்

ஆகா நமக்கே ஆப்பு வச்சிருவாங்க போல இருக்கே

பிளேடு பக்கிரி wrote:

maniajith007 wrote:அப்போ பக்கிரி ஜாக்கிரதையா இருக்கணும்

ஆகா நமக்கே ஆப்பு வச்சிருவாங்க போல இருக்கே

ஆமாம் ஆமாம்

இனி மாமூல் எல்லாம் e money transfer தான் !

நிலாசகி wrote:
இனி மாமூல் எல்லாம் e money transfer தான் !