தமிழகத்தின் வருமான வரி இலக்கு ரூ.28 ஆயிரம் கோடி : வரி செலுத்துவதில் "தினமலர்' முதலிடம்

ganie006 · ganie006 Thu Jul 29, 2010 10:04 am

சென்னை : ""தமிழகத்தில் 28 ஆயிரம் கோடி ரூபாய் அளவுக்கு வருமான வரி
வசூலிக்க இலக்கு நிர்ணயிக்கப்பட்டுள்ளது. இதுவரை, 22 சதவீத அளவுக்கு வரி
வசூலாகியுள்ளது. வருமான வரியைத் தாக்கல் செய்ய வசதியாக, 40 சிறப்பு
கவுன்டர்கள் துவக்கப்பட்டுள்ளன,'' என்று, வருமான வரித்துறை முதன்மை
கமிஷனர் பிரேமா மாலினி வாசன் தெரிவித்தார்.
நுங்கம்பாக்கம் வருமான வரித்துறை அலுவலகமான ஆயகர் பவனில், சம்பளதாரர்கள்
மற்றும் தணிக்கை கணக்கிற்கு உட்படாதவர்கள், தங்களது வருமான வரியைத்
தாக்கல் செய்ய வசதியாக, சிறப்பு முகாம் நடக்கிறது. இந்த முகாமைத் துவக்கி
வைத்து, வருமான வரித்துறை முதன்மை கமிஷனர் பிரேமா மாலினி வாசன் கூறியதாவது:
வருமான வரியைத் தாக்கல் செய்ய வரும் 31ம் தேதி கடைசி நாள். சம்பளதாரர்கள்
தங்களது வரி ரிட்டர்ன் செய்து கொள்ள வசதியாக, நான்கு நாட்கள், 40 சிறப்பு
கவுன்டர்கள் செயல்படும். மூத்த குடிமக்கள், மாற்றுத் திறனாளிகளுக்கு தனித்
தனி கவுன்டர்கள் உள்ளன. தாம்பரம், காஞ்சிபுரத்தைச் சேர்ந்தவர்களும் இங்கு
வரி தாக்கல் செய்யலாம்; அங்கும் வரி தாக்கல் செய்யலாம். வரி செலுத்துவோர்
தங்களது கணக்குகளை சரி செய்து கொள்ள வசதியாக, இரண்டு வங்கிகளின் சேவை மையம்
இங்கு அமைக்கப்பட்டுள்ளது. கடந்தாண்டு நான்கு லட்சம் பேர் இந்த சிறப்பு
கவுன்டர்களை பயன்படுத்திக் கொண்டனர். நடப்பாண்டில் 28 ஆயிரத்து 180 கோடி
ரூபாய் தமிழகத்தில் வருமான வரி வசூலிக்க, பட்ஜெட் போடப்பட்டுள்ளது. இதுவரை,
5,200 கோடி ரூபாய்க்கு மேல், 22 சதவீத அளவுக்கு வருமான வரி வசூல்
ஆகியுள்ளது. நான்கு நாட்களில் இரண்டரை லட்சம் பேர் வருவர் என்று
எதிர்பார்க்கப்படுகிறது.
வரி வசூலில், 2008-09ம் ஆண்டு மற்றும் அதற்கு முன் திரும்ப பெறக்
கூடிய(ரீ-பண்ட்) சூழல் இருந்தால், ஆகஸ்ட் 16ம் தேதியில் இருந்து 31ம் தேதி
வரை இரண்டு வாரங்களுக்குள் சரிபார்த்துக் கொள்ளலாம். அவ்வாறு வரும் போது
ஒரிஜினல் சான்றுகளைக் கொண்டு வரவேண்டும். வருமான வரி தொடர்பாக 2,200க்கும்
மேற்பட்ட புகார்கள் வந்துள்ளன. கம்ப்யூட்டர் குறைபாடு உள்ளிட்ட சில
பிரச்னைகளால் இந்தக் குறைபாடு ஏற்பட்டுள்ளது. இதுகுறித்து உரிய நடவடிக்கை
எடுக்கப்படும். இவ்வாறு பிரேமா மாலினி வாசன் தெரிவித்தார். சென்னை
மட்டுமின்றி தமிழகத்தின் பல்வேறு பகுதிகளிலும் உள்ள வருமான வரித்துறை
அலுவலகங்களில், வருமான வரித் தாக்கல் செய்யும் கடைசிநாளான வரும் 30ம் தேதி
வரை சிறப்பு கவுன்டர்கள் செயல்படவுள்ளன.
"தினமலர்' முதலிடம்: வருமான வரித்துறை முதன்மை கமிஷனர் பிரேமா
மாலினி வாசன் கூறும்போது, ""அதிக வருமான வரி செலுத்துவதில் கம்பெனி சாராத
கூட்டாண்மை நிறுவனங்கள் வரிசையில், "தினமலர்' முதலிடம் பெற்றுள்ளது.
கம்பெனி சார்ந்த நிறுவனம் வரிசையில் இந்தியன் ஓவர்சீஸ் வங்கி, அதிக வருமான
வரி செலுத்தியுள்ளது,'' என்றார்.

தமிழகத்தின் வருமான வரி இலக்கு ரூ.28 ஆயிரம் கோடி : வரி செலுத்துவதில் "தினமலர்' முதலிடம்

தமிழகத்தின் வருமான வரி இலக்கு ரூ.28 ஆயிரம் கோடி : வரி செலுத்துவதில் "தினமலர்' முதலிடம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக