தேமுதிகவைகூட்டணிக்கு அழைக்கிறார் கலைஞர்: பன்ருட்டியார்

**அருண்** · **அருண்** Tue Jul 27, 2010 1:54 pm

விலைவாசி உயர்வு மற்றும் பெட்ரோல்,டீசல் விலையேற்றத்தை கண்டித்து தேமுதிக சார்பில் மதுரையில் இன்று ஆர்ப்பாட்டம் நடைபெறும் என்று அக்கட்சியின் தலைவர் விஜயகாந்த் அறிவித்திருந்தார்.

அதன்படி இன்று மதுரை வடக்குமாசி வீதி-மேலமாசி வீதி சந்திப்பில் ஆர்ப்பாட்டம் நடந்தது. பன்ருட்டிராமச்சந்திரன் தலைமையேற்றார்.

பன்ருட்டியார் பேசும் போது, ’’கேப்டனின் ஆணைக்கு இணங்க இந்த ஆர்ப்பாட்டத்தை நடத்திவருகிறோம்.

மற்ற மாநிலங்களை விட தமிழ்நாட்டில் பெட்ரோலுக்கு 30 சதவிகிதம் வரி அதிகமாக இருக்கிறது. இதை தேமுதிக வன்மையாக கண்டிக்கிறது.

முல்லைப்பெரியாறு விவகாரத்தில் போராட்டத்தை அறிவித்த கருணாநிதி, ஸ்பெக்ட்ரம் ஊழல் விவகாரத்தில் அந்த துறை அமைச்சரின் அலுவலகத்தில் அதிகாரிகள் சோதனையிட்டபோது போராட்டத்தை கைவிட்டவர்தான் இந்த கருணாநிதி.

இலங்கை பிரச்சனையில் அக்கறை இல்லாத ஆட்சி இந்த ஆட்சி.

அரசியல் கட்சிகளில் தேமுதிகவிற்கு 71வது இடம் என்று சொன்னவர் கருணாநிதி. ஆனால் இப்போது கூட்டணிக்காக முதலில் தேமுதிகவை பேச்சுவார்த்தைக்கு அழைக்கிறார்.

தமிழகத்தைச் சேர்ந்த அப்துல்கலாம் இரண்டாவது முறையாக ஜனாதிபதிக்கு போட்டியிட்டபோது எதிர்ப்புக்குரல் கொடுத்தவர் கருணாநிதி. செம்மொழி மாநாட்டிற்கும் அந்த தமிழரை அழைக்கவில்லை’’ என்று தமிழக அரசு மீதும் முதல்வர் கருணாநிதி மீது குற்றஞ்சாட்டி பேசினார்