ஆப்கானிஸ்தானில் ராக்கெட் குண்டு வீச்சில் 52 பொதுமக்கள் பலி

ரபீக் · ரபீக் Tue Jul 27, 2010 1:46 pm

ஆப்கானிஸ்தானில் அமெரிக்கா தலைமையிலான பன்னாட்டு படைகள் முகாமிட்டுள்ளன. தலிபான் மற்றும் அல்கொய்தா தீவிரவாதிகளுடன் அவர்கள் போரிட்டு வருகின்றனர்.

தீவிரவாதிகள் பதுங்கி இருக்கும் பகுதிகளில் அமெரிக்க ராணுவம் ராக்கெட் குண்டுகளை வீசி தாக்குதல் நடத்தி வருகிறது.

இந்த நிலையில் சில நாட்களுக்கு முன்பு ஹெல் மண்ட் மாகாணத்தில் சஞ்சின் மாவட்டத்தில் தீவிரவாதிகள் மீது பன்னாட்டு ராணுவம் ராக்கெட் குண்டு வீசி தாக்குதல் நடத்தியது. அக்குண்டு தவறுதலாக பொதுமக்கள் குடியிருப்பு பகுதியில் விழுந்து வெடித்தது.

இதில் அப்பாவி மக்கள் 52 பேர் உயிரிழந்தனர். அவர்களில் பெரும்பாலானவர்கள் பெண்கள் மற்றும் குழந்தைகள்.

இச்சம்பவத்துக்கு ஆப்கானிஸ்தான் அதிபர் கர்சாய் கடும் கண்டனம் தெரிவித்துள்ளார். இந்த துயர சம்பவத்தை கண்டித்து அப்பகுதியில் பொதுமக்கள் கண்டன பேரணியும், ஆர்ப்பாட்டமும் நடத்தினார்கள்.
கடந்த 6 மாதத்தில் மட்டும் ஆப்கானிஸ்தானில் பன்னாட்டு ராணுவம் நடத்திய தாக்குதலில் 1074 பொதுமக்கள் பலியாகி உள்ளனர். 1500 பேர் காயம் அடைந்துள்ளனர்.