குருதியுண்ட மண்

எஸ்.எம்.ஜுனைத் ஹஸனீ · 11/07/2010

பின்னிருந்து அபகரித்தோடிய
எம்குல ராஜ சிம்மாசனத்தை
கண்ணிமையும் கணத்தில் களவோட்டிய
முத்து மணி மகுடங்களை
மன்றாடிறைஞ்சிப் பெறும் மாக்கள்
எம் குல வழியிலுமில்லை!
எம் பொடிசுகள் பேண்டுக் கழித்த
வனாந்திர வெட்ட வெளிகளை
எம் பெண்கள் தீட்டுக்கொதுங்கும்
நலிந்த கூரை கொத்தளங்களை
மங்கிய நரையும் தொங்கிய விரையுமாய்
மூப்புடைத்த முதிர் தலைகளின்
சுருதியற்ற மரண ஓலங்களை விடவும்
பெரிதாய் ஒன்றும் கிட்டவில்லையுனக்கு
முன் விளக்கொளிரும் உன்னூர்தியும்
உன் பிணமேற்று ஒருநாள்
கதறித் திரியும் தெருக்களினூடே
ராஜ பவனியுறும் உன் வலக்கரங்களின்
சிரங்கள் சிதறிக் கிடக்கும்
உன் விருந்துண்ணியறைகளில்
உன்னில்லம தோறும் எம்குலக் கொடி
பட்டொளி கண்டு பறக்க
எம்மில்லம் தோறும் உம் பெண்கள்
எங்களில்ல நாய் பற்றிக் கிடப்பார்கள்
முழு நேர முண்டச்சிகளாய்,
உம்மிகழ்ச்சி சொல்லிச் சொல்லியே
எம் வாட்களோடு கூரேற்றப்படுகின்றன
எம்மின வாரிசுகளின் இதயங்களும்
அதற்கோர் அத்தாட்சியாய்
இன்றளவும் பத்திரமாயுள்ளன
எங்கள் வீட்டீசாணி மூலைகளில்
குருதியுண்ட பிடி மண்.

எஸ்.எம்.ஜுனைத் ஹஸனீ
sunaithnadwi@gmail.com

நியாஸ் அஷ்ரஃப் · 15/06/2010

சிறந்த வெளிப்பாடு.. குருதியுண்ட மண் 677196

அன்பு நன்றிகள்.. குருதியுண்ட மண் 678642

மஞ்சுபாஷிணி · மஞ்சுபாஷிணி Wed 21 Jul 2010 - 0:10

நம் மண்ணுக்கென்றே இருக்கும் இயல்பினை அதன் வீரத்தினை அதன் சிறப்பை அதன் கம்பீரத்தை ஒரு பிடி மண் என்றாலும் அதில் கிடைக்கும் நிம்மதியை சந்தோஷத்தை இப்படி வரிகளால் உணர்த்தியமைக்கு அன்பு பாராட்டுக்கள் .எஸ்.எம்.ஜுனைத் ஹஸனீ....

**சிவா** · **சிவா** Wed 21 Jul 2010 - 6:49

மஞ்சுபாஷிணி wrote:நம் மண்ணுக்கென்றே இருக்கும் இயல்பினை அதன் வீரத்தினை அதன் சிறப்பை அதன் கம்பீரத்தை ஒரு பிடி மண் என்றாலும் அதில் கிடைக்கும் நிம்மதியை சந்தோஷத்தை இப்படி வரிகளால் உணர்த்தியமைக்கு அன்பு பாராட்டுக்கள் .எஸ்.எம்.ஜுனைத் ஹஸனீ....

நானும் இணைந்து வாழ்த்துகிறேன்! குருதியுண்ட மண் 154550