ரூ. 3 ஆயிரம் லஞ்சம் வாங்கியதால் கைது: வசூல் ராணியாக திகழ்ந்த பெண் சப்-இன்ஸ்பெக்டர் வீடு-சொத்து வாங்கி குவித்தார்

சென்னை யானை கவுனியைச் சேர்ந்தவர் லட்சுமி. லாரி அதிபரான இவர் கடந்த வாரம் போலீஸ் கமிஷனரிடம் புகார் ஒன்று கொடுத்தார். அதில், எனது வீட்டை பைனான்ஸ் நிறுவனத்திடம் அடமானம் வைத்து ரூ. 2 லட்சம் கடன் வாங்கினேன்.

அதை திருப்பி கொடுத்து விட்டேன். ஆனால் இப்போது ரூ. 41 ஆயிரம் பணம் கொடுக்க வேண்டும் என தொல்லை கொடுக்கிறார்கள் என்று கூறியிருந்தார்.

இது பற்றி விசாரிக்க யானை கவுனி போலீசாருக்கு உத்தரவிடப்பட்டது. சப்- இன்ஸ்பெக்டர் ரேகா விசாரித்தார். இந்த வழக்கில் சரியான நடவடிக்கை எடுக்க வேண்டும் என்றால் ரூ. 3 ஆயிரம் லஞ்சம் தரவேண்டும் என்று லாரி அதிபர் லட்சுமியிடம் கேட்டுள்ளார்.

ஆனால் அவர் தரமறுத்தார். இதனால் வழக்கை விசாரிக்காமல் ரேகா மருத்துவ விடுப்பில் சென்றார். பணம் வேண்டும் என தொல்லையும் கொடுத்துள்ளார்.

இதுகுறித்து லட்சுமி லஞ்ச ஒழிப்பு போலீசில் புகார் செய்தார். போலீசார் ரேகாவை கைது செய்யும் நடவடிக்கையில் ஈடுபட் டனர். போலீசார் யோசனைபடி லட்சுமி பணம் தருவதாக போனில் ரேகாவிடம் கூறினார். உடனே கொடுங்கையூர் போலீஸ் நிலையம் அருகில் வரும்படி கூறினார்.

அங்கு ரூ. 3 ஆயிரத்தை ரேகாவிடம் கொடுக்கும் போது போலீசார் கையும் களவுமாக பிடித்தனர். ரேகாவை யானை கவுனி போலீஸ் நிலையத் திற்கு அழைத்து சென்று விசாரித்தனர். விசாரணை யில் திடுக்கிடும் தகவல் கள் கிடைத்தது. ரேகா வீடுகள் - சொத்துக்கள் வாங்கி வசூல் ராணியாக திகழ்ந்தது தெரிந்தது. இதுபற்றி உயர் போலீஸ் அதிகாரி ஒருவர் கூறியதாவது:-

சப்-இன்ஸ்பெக்டர் ரேகா 2006-ம் ஆண்டில் கொடுங் கையூர் போலீஸ் நிலையத்தில் எஸ்.ஐ.யாக வேலை பார்த்தார். அப்போது அங் குள்ள சாலையோர கடை களுக்கு சென்று மாமூல் வாங்கியுள்ளார். பெரிய கடைகள் முதல் இளநீர் கடை வரை ஒரு கடையும் விடாமல் வசூலை வாரி குவித்துள்ளார்.

மேல் அதிகாரிகளை கைக்குள் போட்டுக் கொண்டு வசூலித்துள்ளார். அதன் பிறகு எம்.கே.பி.நகர், வியாசர்பாடி ஆகிய போலீஸ் நிலையங்களில் வேலை பார்த்த போதும் பணம் வசூலித்து சொத்துக் களை குவித்துள்ளார்.

கொடுங்கையூர், கிருஷ்ண மூர்த்தி நகரில் வீடு, அதன் அருகில் உள்ள பகுதியில் ஒரு வீடு, ஈ.சி.ஆரில் ஒரு வீடு என 3 வீடுகளை லஞ்ச பணத்தில் வாங்கியுள்ளார்.

மேலும் சொத்துக்களும் வாங்கியுள்ளதாக தெரிய வந்துள்ளது.

இவ்வாறு அவர் கூறினார்.

ரேகாவுக்கு சொந்தமான சொத்து ஆவணங்கள், வீட்டு பத்திரங்களை லஞ்ச ஒழிப்பு போலீசார் கைப்பற்றி தீவிர விசாரணை நடத்தி வருகிறார்கள்.

கையூட்டு உலகம் இருக்கும்வரை இருக்கும்....

பாரதி கண்ட புதுமைப் பெண் என்பதை தவறாக புரிந்து கொண்டுவிட்டார் போலிருக்கின்றது. மூன்று வீடு வாங்கியிருக்கிறார் என்றால் எத்தனை பேரின் வயிற்றெரிச்சலையும் பெற்றிருந்திருப்பார். தவறாக சம்பாதித்த பணத்தில் கொஞ்சம் தவறானவர்களுக்கு கொடுத்து மீண்டும் வேலைக்கு வந்து அதையும் வட்டியும் முதலுமாக சம்பாதிக்கத்தான் போகிறார். இப்படிப்பட்டவர்களை ஒரேயடியாக வேலையிலிருந்து தூக்கி சிறையில் அடைக்கணும்.

இந்த நாய்க்கு இது தேவைதான்

இப்படிபட்டவங்கலஎல்லாம் உடனே வேலையே விட்டு தூக்கிடனும் அப்பத்தான் அந்த வேலையின் அருமை மற்றும் சேவையின் பெருமையும் தெரியும் மொத்தத்தில் போலீஸ்க்கு பவர் கொடுக்ககூடாதுங்க பவர் இருக்கபோயதானே எல்லோரையும் ரவுடி மாதிரி மிரட்டுறாங்க

மேல் அதிகாரிகளை கைக்குள் போட்டுக் கொண்டு .- அப்படின்ன ???