லண்டனில் பாகிஸ்தான் பிரிவினை சம்மந்தமான ஆவணங்கள்!

947 ஆம் ஆண்டு இந்தியா சுதந்திரமடைந்த போது, பாகிஸ்தான் தனியே பிரிந்தது பிரிவினையை கடுமையாக எதிர்த்த காந்தியடிகள், பிறகு அதை ஒத்துக் கொண்டது பற்றிய ரகசிய ஆவணங்கள் பிரிட்டனில் பாதுகாக்கப்பட்டு வருகின்றன.

பிரிட்டனிலுள்ள தேசிய பாரம்பரிய நினைவு நிதி' (என்.எச்.எம்.எப்.,) என்ற அமைப்பு, கி.பி.19ம் நூற்றாண்டில் பிரிட்டன் தொடர்பான பல்வேறு பழமையான சம்பவங்களின் ஆவணங்களை தொகுத்து பாதுகாத்து வருகிறது. மொத்தம் 4,000க்கும் அதிகமான பெட்டிகளில் இந்த ஆவணங்கள் பாதுகாக்கப்பட்டு வருகின்றன. அரசு சார்ந்த மற்றும் தனிநபர் கடித போக்குவரத்து தொடர்பான அனைத்து ஆவணங்களும் இதில் அடங்கும்.

இந்தியா சுதந்திர அடையும் முன் அதன் இறுதி வைசிராயாக இருந்த மவுன்ட்பேட்டனுக்கும், மகாத்மா காந்திக்கும் இடையில் கடித போக்குவரத்து இருந்தது. அந்த கடிதங்கள் இந்த ஆவணங்களில் உள்ளன. பிரிவினை குறித்து இறுதி கட்டத்தில் காந்தி ஏன் மவுனம் சாதித்தார் என்பதை, இக்கடிதங்கள் வெளிப்படுத்துகின்றன. இந்நிறுவன செய்தித்தொடர்பாளர் கூறுகையில், கடித உறைகளின் பின்பக்கம், காந்தி பென்சிலால் பல குறிப்புகள் எழுதியுள்ளார். இவற்றின் மூலம் பிரிவினையை எதிர்த்த அவர் இறுதியில் விருப்பமே இல்லாமல் ஏன் சம்மதித்தார் என்ற ரகசியம் தெரிய வரும் என்று கூறுகிறார்.

மகாத்மா காந்தி தொடர்பான இக்குறிப்புகளை மட்டும், சவுதாம்ப்டன் பல்கலைக்கழகம் விலைக்கு வாங்க போகிறது. இதற்காக, அது நிதி திரட்டி வருகிறது. அதன் மொத்த தொகை 20 கோடி ரூபாய் ஆகும், அதில் தற்சமயம் என்.எச்.எம்.எப்., மானியத்துடன் 14 கோடி ரூபாயை திரட்டி விட்டது.பல்கலைக்கழகத்தின் சிறப்பு ஆவணத்துறை பேராசிரியர் ச்ரிஸ் வூல்கர் கூறுகையில், "காந்தியின் இந்த ஆவணங் களை வாங்குவதில் எங்களுக்கு மிகுந்த மகிழ்ச்சி. இந்த ஆவணங்கள் இருந்தால் இந்தியா, பாகிஸ்தான், வங்கதேசம் நாடுகளின் விடுதலைக் கான அடிப்படை வரலாற்றை நாம் தெளிவாக எழுத முடியும் என்று தெரிவித்துள்ளார்.