நோய் தாக்கி இறந்த பெற்றோர் : உதவிக்கு ஏங்கும் சிறுமி

ganie006 · ganie006 Tue 20 Jul 2010 - 11:25

ராமநாதபுரம் : நோய் தாக்கியதால் பெற்றோரை இழந்த சிறுமி , அரசின் ஆதரவு கரம் வேண்டி முறையிட்டு வருகிறார். விருதுநகர் மாவட்டம் சிவகாசி தாயல்பட்டியை சேர்ந்தவர் சண்முகராஜ், சதுரவள்ளி தம்பதிகளின் மகள் மீனாட்சி(11). சதுர வள்ளி கடந்த மூன்று ஆண்டுகளுக்கு முன் காசநோய் பாதிப்பால் பலியானார். இந்நிலையில் திடீரென நோயில் படுத்த சண்முகராஜ், விருதுநகர் அரசு மருத்துவமனையில் சிகிச்சை பெற்ற நிலையில் எட்டு மாதங்களுக்கு முன் இறந்தார். பெற்றோர் இருவரையும் இறந்த சிறுமி , ராமநாதபுரம் மாவட்டம் பரமக்குடியில் உள்ள தனது மாமா வீட்டாரின் ஆதரவில் வளர்ந்தார். ஐந்தாம் வகுப்பை முடித்த மீனாட்சிக்கு ஆறாம் வகுப்பு செல்ல பல்வேறு சிக்கல் ஏற்பட்டது. இவரது மாமாவும் நடுத்தர குடும்பத்தை சேர்ந்தவர் என்பதால், படிப்பு செலவு பாரமானது. வேறு வழியின்றி மீனாட்சியை அரசின் ஆதரவற்றோர் திட்டத்தில் சேர்த்து விட அவரது அத்தை பாலமகேஸ்வரி முடிவு செய்தார். இதற்காக ராமநாதபுரம் வந்த இவர்கள், கலெக்டர் ஹரிஹரனிடம் உதவிகேட்டனர்.

பாலமகேஸ்வரி கூறியதாவது: பெற்றோரை இழந்த நிலையில் சிறுமியை நாங்கள் தான் பராமரித்து வந்தோம். இப்போது அரசின் ஆதரவு அவளது எதிர்காலத்திற்கு அவசியம் என்பதால் முயன்று வருகிறோம். ஆறாம் வகுப்பு செல்லவேண்டிய நிலையில், ஆதரவற்றோர் திட்டத்தில் இவளை சேர்த்து உதவ மனு அளித்தோம், என்றார். சிறுமிக்கு உதவும் நினைப்பவர்கள் 99942-75341 என்ற எண்ணில் தொடர்பு கொள்ளலாம்.

இது தின மலர் நாளிதழ் செய்தி அதன் லிங்க் கீழே
http://www.dinamalar.com/News_Detail.asp?Id=42993

நோய் தாக்கி இறந்த பெற்றோர் : உதவிக்கு ஏங்கும் சிறுமி

நோய் தாக்கி இறந்த பெற்றோர் : உதவிக்கு ஏங்கும் சிறுமி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக