டாக்டர் சிரிப்புகள்..!

**உமா** · **உமா** Sat Jul 17, 2010 3:47 pm

'டாக்டர்... என்னவோ தெரியல... முன்னெல்லாம் வெயில்ல போய்ட்டு வந்தா பேச்சே வராது.. இப்பல்லாம் என்னடான்னா துண்டு துண்டா பேச வருது!''

''வேற ஒண்ணுமில்ல... அப்போ ஊமை வெயில்... இப்ப கத்தரி வெயில்!''

+++++++++++++++++++++++++++++++++++++++++++

''நீங்க நிறைய இடியாப்பம் சாப்பிடுவீங்களா?''

''ஆமாம் டாக்டர்! எப்படிக் கண்டுபிடிச்சீங்க?''

''உங்க குடல்ல ஏகப்பட்ட சிக்கல் இருக்குதே...''

+++++++++++++++++++++++++++++++++++++++++++

''எதுக்கு டாக்டர் ஆபரேஷன் பண்ணும்போது என்கிட்டே ஒரு கத்தியைக் கொடுக்கறீங்க?''

''நான் நிராயுதபாணியா யாரையும் கொல்ல மாட்டேன்.''

+++++++++++++++++++++++++++++++++++++++++++

''என்ன டாக்டர் இது.... சிரிஞ்ச் ப்ளூ கலர்ல இருக்கு?''

''ஹி... ஹி... வேற ஒண்ணுமில்லே! பேனாவுக்கு இங்க் போட வேண்டியிருந்தது...!''

+++++++++++++++++++++++++++++++++++++++++++

''உங்க உடம்பு ஒரு 'மாமனார் வீடு' மாதிரிங்க!''

''ஏன் டாக்டர் அப்படி சொல்றீங்க?''

''எந்த வியாதி வந்தாலும் உடம்பை விட்டு 'லேசுல கிளம்ப' மாட்டேங்குதே!''

++++++++++++++++++++++++++++++++++++++++++++

''டாக்டரைப் பார்க்கணுமா? டோக்கன் வாங்கிட்டு உட்காருங்க...''

''நான் ஆபரேஷன் பேஷண்ட்...!''

''அப்ப 'டிக்கெட்' வாங்கிட்டு உட்காருங்க!''

+++++++++++++++++++++++++++++++++++++++++++++

'கண்டிப்பா உங்க பையன் டாக்டர் ஆவான்...''

''அவ்வளவு நல்ல படிக்கிறானா..?''

'' இல்லே.... அவ்வளவு மோசமா எழுதறான்...!''

+++++++++++++++++++++++++++++++++++++++++++++

''அரைமணி நேரமா எதுக்கு என்னையே பார்த்துட்டிருக்கீங்க?''

''உடம்பு சரியில்லைனா உடனடியா டாக்டரை பார்க்கணும்னு சொன்னாங்க.''