சீமான் கைதை கண்டித்து பிரமாண்ட ஆர்ப்பாட்டம்: நாம் தமிழர் இயக்க நிர்வாகிகள் முடிவு

சீமான் கைதை கண்டித்து பிரமாண்ட ஆர்ப்பாட்டம்: நாம் தமிழர் இயக்க நிர்வாகிகள் முடிவு
அனுமதி தர மறுத்தாலும், தடையை மீறி பிரமாண்ட ஆர்ப்பாட்டம் நடத்த முடிவு செய்யப்பட்டுள்ளதாக, நாம் தமிழர் இயக்கத்தின் நிர்வாகிகள் கூறியுள்ளனர்.
இலங்கைத் தமிழர்கள் படுகொலையை கண்டித்தும், தமிழக மீனவர்கள் இலங்கை கடற்படையால் கொல்லப்படுதை கண்டித்தும், சென்னையில் நடந்த கண்டன ஆர்ப்பாட்டத்தில், வன்முறை மற்றும் பிரிவினையை தூண்டும் விதத்தில் பேசியதாக சீமான் மீது போலீசார் வழக்கு பதிவு செய்தனர். தற்போது அவர் மீது தேசிய பாதுகாப்பு சட்டமும் பாய்ந்துள்ளது.
இந்நிலையில் சீமான் கைதை கண்டித்து புதுக்கோட்டையில் ஒட்டப்பட்ட போஸ்டர்கள் கிழிக்கப்பட்டது. போஸ்டர்கள் ஒட்டிய கமல், தியாகராஜன் இருவரும் கைது செய்யப்பட்டனர். போஸ்டர் ஒட்ட தூண்டியதாக நாம் தமிழர் இயக்கத்தைச் சேர்ந்த கரு. காளிமுத்து, நார்த்தாமலை சிவா, கண்மணி கலை, இவர்களுடன் இந்த இயக்கத்தைச் சாராத வழக்கறிஞர் சின்னப்பா ஆகியோர் மீதும் வழக்கு பதிவு செய்யப்பட்டுள்ளது. மேலும் சீமான் கைதை கண்டித்து ஆர்ப்பாட்டம்
நடத்த போலீசாரிடம் அனுமதி கேட்டு மறுக்கப்பட்டது.
இதையடுத்து சீமான் கைதை கண்டித்து அனைத்து தமிழ் இன உணர்வு தலைவர்களுடன் ஆலோசித்து, விரைவில் பிரமாண்ட ஆர்ப்பாட்டம் மற்றும் பொதுக்கூட்டம் நடத்த முடிவு செய்யப்பட்டுள்ளது என்று நாம் தமிழர் இயக்கத்தினர் தெரிவித்துள்ளனர்.
மேலும் இப்போராட்டத்தில் தமிழின உணர்வாளர்களை பங்கேற்குமாறு நேரில் அழைக்க உள்ளதாகவும், நாம் தமிழர் இயக்கத்தினர் தெரிவித்துள்ளனர்.

தமிழுக்கே நயவஞ்சகம் செய்யும் தலைவர்களும் மொள்ள மாறிகளும் இந்தியாவில் வாழும் வரை தமிழுக்காக போராடுவர்களின் நிலை இப்படியாகத்தான் இருக்கும். ஆனாலும் அவர்களையும் எதிர்த்து தமிழுக்காக துணிந்து போராடும் குணம் கொண்ட சீமானை தமிழ் உலகம் என்றென்றும் வாழ்த்தட்டும்

vbharathan wrote:தமிழுக்கே நயவஞ்சகம் செய்யும் தலைவர்களும் மொள்ள மாறிகளும் இந்தியாவில் வாழும் வரை தமிழுக்காக போராடுவர்களின் நிலை இப்படியாகத்தான் இருக்கும். ஆனாலும் அவர்களையும் எதிர்த்து தமிழுக்காக துணிந்து போராடும் குணம் கொண்ட சீமானை தமிழ் உலகம் என்றென்றும் வாழ்த்தட்டும்

சரியாக சொன்னிர்கள் நண்பா........

vbharathan wrote:தமிழுக்கே நயவஞ்சகம் செய்யும் தலைவர்களும் மொள்ள மாறிகளும் இந்தியாவில் வாழும் வரை தமிழுக்காக போராடுவர்களின் நிலை இப்படியாகத்தான் இருக்கும். ஆனாலும் அவர்களையும் எதிர்த்து தமிழுக்காக துணிந்து போராடும் குணம் கொண்ட சீமானை தமிழ் உலகம் என்றென்றும் வாழ்த்தட்டும்