வீதியே விதியாவதா?

ஹாசிம் · ஹாசிம் Mon Jul 12, 2010 8:46 pm

அனாதரவாய் கைவிட்டதில்
அகம் அழுகின்ற குறைபாடாய்
அல்லலுறும் பிஞ்சுகளின்
அவலம் தீர்ப்பாருண்டா

கண்களில் ஏக்கத்துடன்
கவலையின் உச்சத்தில்
கதிகலங்கும் இன்னிலையினை
கருணையுள்ளம் நோக்கவில்லை

வீதியை வீடாக்கி
மடியினை மெத்தையாக்கி
கவலையற்ற மறு உறவை
உறங்கிட செய்த செல்லக்குணம்

பெற்றவரை நோவதா
பிறந்த உலகை நோவதா என
பிற்காலம் வெல்வதற்காய்
நீந்துகின்ற பாலகன்

இதுபோன்ற செல்வங்களால்
இவ்வையகம் நிறைந்துவிட
சொல்பவனும் செய்யாது
செய்பவனுக்கு வழி செய்யாது
விரண்டோடுகின்ற சமூகம்

விதியின் விளையாட்டில்
வீதியியே விதி என்று
வெந்தழுகின்ற மழலைகளை
வேரோடு அறுத்தெறிய வேண்டாமா?

தேனி சூர்யாபாஸ்கரன் · 09/06/2010

இந்நிலையை கண்டபின்பும் எனக்கு..
எதற்கு இந்த உயிர்?..

**ரிபாஸ்** · **ரிபாஸ்** Tue Jul 13, 2010 9:27 am

அருமையான வரிகள் நண்பா உண்மை வரிகள்

**V.Annasamy** · **V.Annasamy** Tue Jul 13, 2010 9:34 am

நன்றாக உள்ளது புலவரே. வீதியே விதியாவதா? 677196

சபீர் · சபீர் Tue Jul 13, 2010 11:04 am

உருக்கமான வரிகளைப்பார்த்து நானும் உருகிவிட்டேன் நண்பா மிகவும் நன்றாக எடுத்துக்காட்டான வரிகள். வீதியே விதியாவதா? 677196

ஹாசிம் · ஹாசிம் Tue Jul 13, 2010 4:34 pm

தேனி"சூர்யா"பாஸ்கரன் wrote:இந்நிலையை கண்டபின்பும் எனக்கு..
எதற்கு இந்த உயிர்?..

உயிர் மாய்க்கலாகாது எதிர்த்து வாழ்ந்து பார் உலகம் உன்கையில்
நன்றி தோழரே உங்கள் மறுமொழிக்கு

**சிவா** · **சிவா** Tue Jul 13, 2010 5:19 pm

படமும், அதற்கான ஹாசிமின் வரிகளும் மனதில் நெருஞ்சிமுள்ளாய் குத்துவதை தடுக்கமுடியவில்லை! எம் இனத்தின் துயர் நீக்க எம்மால் இயவில்லையே! தமிழ் இனி மெல்லச் சாகும், தமிழர்களே இல்லையென்றால் தாய்மொழி எங்கு வாழும்!