சொல்கிறார்கள்

raj001 · raj001 Mon Jul 12, 2010 6:39 pm

ஸ்பான்சர்கள் கிடைத்தால் தங்கப்பதக்கம் நிச்சயம் : டேக்வாண்டோ வீராங்கனை ஜெயஸ்ரீ: நான் 11 வயதிலிருந்து தான் டேக்வாண்டோ கத்துக்க ஆரம்பிச்சேன். மற்ற விளையாட்டை விட இதன் மேல் ஏற்பட்ட ஈர்ப்பு தான் இன்று தேசிய விளையாட்டு வரை கொண்டுபோய் விட்டுள் ளது.தூத்துக்குடியில் நடந்த சப்-ஜூனியர் பிரிவில் மாநில அளவிலான முதல் போட்டியில் தங்கம் வென்றேன். சீனியர் அளவில், தேசிய அளவில், இரண்டு வெள்ளிப் பதக்கங்களையும் பெற்றேன். நான் தேசிய அளவில் ரெப்ரிஸ் ஆக உள்ளேன்.தினசரி வாழ்க்கையை எதிர்கொள்ளும் குடும்பம் தான் எங்களுடையது. பிளஸ் 2 முடித்து விட்டு என்ன செய்வதென்று தெரியவில்லை. கல்லூரி செல்லும் அளவிற்கு வசதியில்லை. மாநில அளவிலான டேக்வாண்டோ பதக்கங்கள் தான் இருந்தன. அதன் மூலம் திருவரம்பூர் அரசு ஐ.டி. ஐ.,யில் இலவசமாக சீட் கிடைத்தது. அங்கு மெஷினிஸ்ட் முடித்துவிட்டு 3,000 ரூபாய் சம்பளத்தில் வேலை பார்க்கிறேன்.திருச்சியில் கிடைக்கும் சாதாரண பயிற்சியைக் கொண்டே தேசிய அளவில் பதக்கம் வென்றுள்ளேன். கடினமாக உழைத்து, சர்வதேச அளவில் நடக்கும் டேக்வாண்டோ போட்டிகளில் வெற்றி பெற்று, தாய்நாட்டிற்குப் பெருமை சேர்ப்பதைத் தவிர பிற கனவுகள் எதுவும் எனக்கு இல்லை.ஆனால், அந்த உயரத்தைத் தொடுவதற்கான ஆதரவும் உதவிகளும் பெருமளவில் எனக்குத் தேவைப்படுகிறது. இதுவரை தேசிய அளவில் பங்கு கொண்டது நண்பர்களின் உதவியுடன் தான். ஸ்பான்சர்கள் இல்லாததால், நிறைய போட்டியில் பங்கேற்க முடியவில்லை. அப்படிக் கிடைத்தால், நடக்க உள்ள காமன்வெல்த் போட்டியில் பங்கேற்கும் வாய்ப்பை நிச்சயம் பெறுவேன்.
மகிழ்ச்சி