மும்பையில் மாடல் அழகி தற்கொலை தூக்கில் தொங்கினார்

ரபீக் · ரபீக் Mon 12 Jul 2010 - 17:09

மும்பையில் உள்ள வர்சோவாவை சேர்ந்தவர் நடாஷாபட்பிதரி (வயது 30). இவர் மாடல் அழகி தொழில் செய்து வந்தார். இவர்கள் குடும்பத்துக்கு அடுக்குமாடி குடியிருப்பில் 2 வீடுகள் இருந்தன. அதில் ஒரு வீட்டில் அவரது குடும்பத்தினர் வசித்து வந்தனர். மற்றொரு வீட்டில் நடாஷா தனியாக வசித்து வந்தார்.

இரவு நடாஷா அந்த வீட்டில் படுத்து தூங்கினார். காலையில் நீண்ட நேரம் ஆகியும் அவர் எழுந்திருக்க வில்லை. அவரது சகோதரர் கதவை தட்டினார். உள்ளே இருந்து எந்த பதிலும் இல்லை.

எனவே போலீசுக்கு தகவல் கொடுத்தனர். அவர்கள் கதவை உடைத்து உள்ளே சென்றனர். அங்கு நடாஷா தூக்கில் பிணமாக தொங்கினார்.

அவர் தூக்குப்போட்டு தற்கொலை செய்ததாக கருதப்படுகிறது. இதற்கான காரணம் என்ன என்று தெரியவில்லை.

சமீபத்தில் விவேகா என்ற மாடல் அழகி மும்பையில் மர்மமான முறையில் இறந்தார். இந்த நிலையில் இப்போது நடாஷா தற்கொலை செய்துள்ளார்.