கருணாஸின் ஆக்ஷன் அவதாரம்!

நவீன் · நவீன் Mon Jul 12, 2010 3:36 pm

நந்தாவில் லொடுக்குப் பாண்டியாக இயக்குனர் பாலாவால் அறிமுகப்படுத்தப்
பட்டவர் கருனாஸ். விவேக், வடிவேலு என்ற இரண்டு ஜாம்பவான்கள் பட்டையைக்
கிளப்பிக் கொண்டிருந்த காலத்தில் உள்ளே புகுந்து தனக்கான தனித்துவத்
திறமையால் மூன்றாவது சிறந்த காமெடியனாக பட்டையை கிளப்பி வருபவர்.

ஒரு கட்டத்தில் கதாநாயகனாக நடிக்க நினைத்த கருணாஸ், அதற்காக தேர்ந்தெடுத்தது 'வடக்கு நோக்கி எந்திரம்' என்ற மலையாளப் படத்தை.

பார்த்தாலே
சிரிக்கத்தோன்றும் தோற்றம் கொண்ட மலையாள இயக்குனர், நடிகர் சீனிவாசன்தான்
இப்படத்தின் படைப்பாளி. முதல் படத்தோடு ஹீரோ கனவை மூட்டை கட்டும் காமெடி
நடிகர்களுக்கு மத்தியில் கருணாஸ் தொடர்ந்து நாயகனாக ஜெயித்துக்
கொண்டிருப்பதற்குக் காரணம்,

விரலுக்கேத்த வீக்கம், உரலுக்கேத்த
உலக்கை என்கிற கொள்கையை பின்பற்றி தனக்கு பொருத்தமான கதைகளை கண்டுபிடித்து
நடிப்பதுதான். 'திண்டுக்கல் சாரதி' படத்திற்கு பிறகு கருணாஸ் ஹூரோவாக
நடித்த 'அம்பாசமுத்திரம் அம்பானி' படம், களவானியைப்போல வசூலை
அள்ளிக்கொண்டிருக்க,

மீண்டும் சினிவாசன் படத்தை வலைவீசி
பிடித்திருக்கிறார் கருனாஸ்! வடக்கு நோக்கி எந்திரம் படத்துக்குப் பிறகு
மறுபடியும் சீனிவாசன் நடித்த 'ஆனை வால் மோதிரம்' என்ற மலையாளப் படத்தின்
ரீமேக்கில் கருணாஸ் நடிக்க இருக்கிறார்.

தைரியம் வருவதற்காக
யானையின் வாலில் உள்ள ரோமத்தை மோதிரமாக்கி அணிவது கேரளாவில் வழக்கம்.
இந்தப்படத்தின் கதைப்படி, பயந்த சுபாவம் கொண்ட காவல்துறை அதிகாரியான
சீனிவாசன், ஒருமுறை விபத்துக்குள்ளாகிறார்.

அவரது இரத்தம்
பரிசோதிக்கப்படுகிறது. எதிர்பாராதவிதமாக அவரது இரத்த மாதிரியும்,
புற்றுநோய் உள்ளவரின் இரத்த மாதிரியும் மாறிவிடுகிறது. இதனால்
சீனிவாசனுக்கு புற்றுநோய் என்று மருத்துவமனையில் கூறிவிடுகிறார்கள்.

தனக்கு
புற்றுநோய் என்பதால், இன்னும் சில நாட்களில் இறந்துவிடுவோம் என்று முடிவு
செய்து, அதற்குள் எதையாவது சாதிக்க நினைக்கிறார் சீனிவாசன்.

போகபோகிற உயிர்தானே என்று ரிஸ்க்கான வேலைகளில் ஈடுபட்டு, ரவுடிகளை தைரியத்துடன் எதிர்கொண்டு அழிக்கிறார்.

சீனிவாசனின்
தைரியத்தைப் பார்த்து காவல்துறையையே மூக்கில் விரல் வைக்கிறது. ஆக்ஷன்
காமெடி இரண்டுக்குமே முக்கியத்துவம் உள்ள இந்த படத்தின் ரீமேக்கில்
சீனிவாசன் நடித்த கதாபாத்திரத்தில் கருணாஸ் ஆக்ஷன் ஹீரோவாக நடிக்கிறார்.

யதார்த்தமான
ஆக்ஷனாக இது இருக்கும். மறந்தும் ஹீரோயிஸம் தெரிகிறமாதிரி இருக்காது
என்கிறார் கருனாஸ். இன்னொரு பக்கம் 'கற்றது தமிழ்' படத்தின் இயக்குநர்
ராம் இயக்கும் 'தங்க மீன்கள்' படத்திலும் கருணாஸ் நாயகனாக நடிப்பதோடு,
நண்பனுக்காக அந்தப்படத்தை தயாரிக்கவும் இருக்கிறார்.

ஆனால்
இந்தப் படத்துக்கு முன்பு ராம்நாத் இயக்கும் 3டி படத்தில் நடிக்க
இருகிறார். அது ஆப்ரிக்க காடுகளில் சூட் செய்ய இருகிறார்களாம்! இதுவும்
அதிரடியான காமெடி ஆக்ஷன்தான் என்கிறார் கலக்குங்க கருணாஸ் கலக்குங்க!

கருணாஸின் ஆக்ஷன் அவதாரம்!

கருணாஸின் ஆக்ஷன் அவதாரம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக