வன்முறையைத் தூண்டும் வகையில் பேசியதாக வழக்கு-சீமான் கைது

வன்முறை, பிரிவினையைத் தூண்டும் வகையில் பேசியதாக தொடரப்பட்ட வழக்கில் நாம் தமிழர் இயக்கத் தலைவர் சீமான் இன்று கைது செய்யப்பட்டார்.

தமிழக மீனவர்கள் மீதான இலங்கை கடற்படையின் தாக்குதலைக் கண்டித்து நடத்திய போராட்டத்தின்போது போது சீமான் பேசிய பேச்சைத் தொடர்ந்து அவர் மீது பிரிவினைவாதத்தை தூண்டும் வகையில் பேசியது, வன்முறையைத் தூண்டும் வகையில் பேசியது உள்பட 3 பிரிவுகளின் கீழ் வடக்குக் கடற்கரைப் போலீஸார் வழக்குப் பதிவு செய்தனர்.

இதையடுத்து விருகம்பாக்கத்தில் உள்ள அவரது வீட்டுக்கு நேற்று முன்தினம் போலீஸார் சென்றனர். ஆனால் சீமான் அங்கு இல்லை. இதையடுத்து நான்கு தனிப்படைகளை அமைத்து அவரைத் தேடி வந்தனர்.

பிரஸ் கிளப்பில் வைத்து கைது

இந்த நிலையில், இன்று சென்னை பிரஸ் கிளப்பில் பத்திரிக்கையாளர்களை சந்திக்கப் போவதாக சீமான் அறிவித்திருந்தார். ஆனால் அவர் பத்திரிக்கையாளர்களை சந்திக்கும் முன்பாகவே கைது செய்வதற்காக போலீஸார் பெருமளவில் அப்பகுதியில் குவிக்கப்பட்டிருந்தனர். இதனால் பரபரப்பு ஏற்பட்டது.

இருப்பினும் சீமான் வரவில்லை. அவருக்குப் பதில் நாம் தமிழர் இயக்கத்தைச் சேர்ந்த பேராசிரியர் தீரன், திருச்சி வேலுச்சாமி, சாகுல் ஹமீது ஆகியோர் செய்தியாளர்களைச் சந்தித்தனர்.

அவர்களிடம் சீமான் குறித்து செய்தியாளர்கள் கேட்டபோது, சீமான் எங்கும் ஓடி ஒளியவில்லை. பத்திரிகையாளர்களை சந்தித்துப் பேசிய பின், சட்டப்படி கைதாவார். இப்போது அவர் வெளியில் வரமுடியாத சூழ்நிலையில் உள்ளார். கண்டிப்பாக உங்கள் கண் முன் அவர் நிற்பார் என்று தெரிவித்தனர்.

அவர்கள் பேசி முடித்த சில நிமிடங்களில் சீமான் அங்கு வந்தார். இதையடுத்து தயாராக குவிக்கப்பட்டிருந்த போலீஸார் சீமானை சுற்றி வளைத்துக் கைது செய்து அங்கிருந்து கொண்டு சென்றனர்.

வன்முறையா முத்தமிழ் அறிஞரை கைது செய்தபோது காந்திய வழியில போராட்டம் செய்தார்கள்

அப்படா கைது பன்ணிட்டாங்களா.ஒரு தொல்லை ஒழிஞ்சது. சும்மா வாய் வார்த்தை ஜாலம் காட்டுற இவர ஜெயிலில் போட்டாலும் அங்க இருக்கற கைதிகளை கெடுக்காம இருக்கணும்.

maniajith007 wrote:வன்முறையா முத்தமிழ் அறிஞரை கைது செய்தபோது காந்திய வழியில போராட்டம் செய்தார்கள்

"கொல பண்ணுறாங்கப்பா, கொல பண்ணுறாங்கப்பா ...................." என்ன ஒரு அருமையான நாடகம்

ராஜா wrote:

maniajith007 wrote:வன்முறையா முத்தமிழ் அறிஞரை கைது செய்தபோது காந்திய வழியில போராட்டம் செய்தார்கள்

"கொல பண்ணுறாங்கப்பா, கொல பண்ணுறாங்கப்பா ...................." என்ன ஒரு அருமையான நாடகம்

அன்னைக்கு பூரா அதே படத்தை ஒட்டி சாதனை படைத்த சன் டி வீ இருக்கும் வரை நிஜ செய்திகளும் கிடைக்காது