சீமானை பிடிக்க போலீசார் தீவிர நடவடிக்கை

சீமானை பிடிக்க போலீசார் தீவிர நடவடிக்கை
திரைப்பட இயக்குநரும், நாம் தமிழர் இயக்க தலைவருமான சீமானை கைது செய்ய சென்னை மாநகர போலீசார் தீவிர நடவடிக்கை எடுத்து வருகின்றனர்.
ஈழத் தமிழர்கள் படுகொலையைக் கண்டித்தும், தமிழக மீனவர்கள் தொடர்ந்து இலங்கை கடற்படையினரால் கொல்லப்படுவதைக் கண்டித்தும் நாம் தமிழர் இயக்கம் சார்பில் சென்னை ஆட்சியர் அலுவலகம் முன்பு ஆர்ப்பாட்டம் நடைபெற்றது.
இதில் கலந்துகொண்டு பேசிய சீமான், இதற்குமேல் தமிழக மீனவர்கள் இலங்கை கடற்படையினரால் தாக்கப்பட்டால், இங்குள்ள சீங்களவர்களை விடமாட்டோம் என்று பேசியதாகக் கூறப்படுகிறது.
இதையடுத்து வன்முறை மற்றும் பிரிவினையை தூண்டும் விதத்தில் பேசியதாக சீமான் மீது வழக்கு பதிவு செய்யப்பட்டுள்ளது. போலீசார் வழக்குப்பதிவு செய்தவுடன் சீமான் தலைமறைவானார்.
இதற்கிடையில் நேற்று சீமான் வெளியிட்டுள்ள அறிக்கையில், இன விடியலுக்கான பணியைச் செய்தே தீருவோம். அடக்குமுறைச் சட்டங்கள் காட்டி என்றும் எங்களை அச்சுறுத்த முடியாது. சிங்கள இனவெறியன் ராஜபக்‌சேவின் விருப்பத்திற்கு ஏற்ப மத்திய அரசும் இங்குள்ள தமிழக அரசும் வேண்டுமானால் செயல்படலாம். உண்மைத் தமிழன் என்னால் செயல்பட முடியாது. ஆகவே அச்சுறுத்தலுக்கு அஞ்சாமல் தொடர்ந்து போராடுவோம் என்பதைத் தெரிவித்து கொள்கின்றேன் என்று கூறியுள்ளார்.
இந்நிலையில் சென்னை பிரஸ் கிளப்பில் செய்தியாளர்களை இன்று சந்திப்பதாக சீமான் கூறியிருந்தார்.
பிரஸ் கிளப்பில் பேட்டி தரும் முன்னரே சீமானை பிடிக்க போலீசார் திட்டமிட்டுள்ளனர். சிவானந்தா சாலை, வாலஜா சாலையில் போலீசார் தீவிர வாகன சோதனை நடத்தி வருகின்றனர்...........

நன்றி தோழரே .

திமிர் பிடித்த சீமான் எப்போ பார்த்தாலும் தமிழர்களுக்கு வீரமும் தமிழ் பற்றும் கெளப்புற மாதிரி பேசினா நாங்க எப்புடிய்யா அரசியல் பண்றது