அறிவுப்புதையலே..மாற்றுத் திறன் படைத்தோரின் மனசு..

**eraeravi** · **eraeravi** Sun Jul 11, 2010 12:17 pm

அறிவுப்புதையலே

------------------------

கடுகு அளவும் கவலை நாளும் கொள்ளாதவரே

முயற்சி திருவினையாக்கும் என்பதற்கும் முன் மாதிரியானவரே

மூளையை விஞ்ஞானத்திற்கும் பயன்படுத்திய முக்கியமானவரே

படகோட்டி மகனாய்ப் பிறந்து விஞ்ஞானி ஆனவரே

பொக்ரான் அணுகுண்டு வெடித்து வியப்பில் ஆழ்த்தியவரே

செய்தித்தாள் விற்றுப் படித்துத் தலைப்புச் செய்தியானவரே

செய்தியாக மக்களுக்கு அறநெறி அருள்பவரே

செடி கொடி வளர்க்கும் இயற்கையின் நேசரே

சின்னஞ்சிறு அரும்புகளை விரும்பும் இனியவரே

பல்லாயிரம் மாணவர்களைச் சந்தித்த சாதனையாளரே

பண்பை விதைத்து வரும் போதகரே

ஆடம்பரம் விரும்பாத அடக்கத்தின் அடையாளமானவரே

ஆரவாரம் இல்லாத அன்பின் இமயமானவரே

போலி மரபுகளைப் புறக்கணித்த வரலாற்று நாயகரே

போதி மரத்துப் புத்தனைப்போல ஆசை துறந்தவரே

தோல்விக்குத் துவளாமல் முயற்சித்து வென்றவரே

தன்னம்பிக்கை வலிமையை தரணிக்குச் சொன்னவரே

அக்னிச் சிறகுகள் விரித்து அளப்பரிய சிகரம் சென்றவரே

அனûத்துக் குடிமக்களின் இதயத்தில் நின்றவரே

உங்களைக் குடியரசுத் தலைவர் பதவி கௌரவப்படுத்தவில்லை

உங்களால் குடியரசுத் தலைவர் பதவி கௌரவப்படுத்தப்பட்டது

நேர்வழியின் சிகரத்திற்கு மகுடம் சூட்டுங்கள்

நேர்மையின் சின்னத்திற்கு நோபல் பரிசு தாருங்கள்!

அறிவுப்புதையலே.. அறிவுப்புதையலே..மாற்றுத் திறன் படைத்தோரின் மனசு.. 677196

இரா.இரவி

அறிவுப்புதையலே..மாற்றுத் திறன் படைத்தோரின் மனசு..

அறிவுப்புதையலே..மாற்றுத் திறன் படைத்தோரின் மனசு..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக