சீக்கியர் ரோமத்துக்கு உள்ள மதிப்பு தமிழனுக்கு இல்லையா?: சீமான்

சீக்கியரின் ரோமப் பிரச்சினைக்காக வாதாடிய பிரதமர் மன்மோகன் சிங், தமிழனின் உயிருக்கு என்றாவது மதிப்பு கொடுத்துள்ளாரா?. சீக்கியனின் மயிருக்கு இருக்கும் மதிப்பு கூட தமிழ் மீனவனின் உயிருக்கு இல்லையா? என்று ஆவேசமாக கேட்டுள்ளார் நாம் தமிழர் இயக்கத் தலைவர் சீமான்.

இதுதொடர்பாக சீமான் விடுத்துள்ள அறிக்கை:

நாகப்பட்டினம் மாவட்டம், கோடியக்கரைக்கு தென் கிழக்கே கடலில் மீன் பிடித்துக் கொண்டிருந்த வேதாரண்யம் பகுதி மீனவர்கள் மீது சிங்களக் கடற்படையினர் புதன்கிழமை இரவு தாக்குதல் நடத்தியதில் நமது தமிழ் மீனவர் செல்லப்பன் கொல்லப்பட்டுள்ளார்.இது போக மற்ற மீனவர்கள் மீது சிங்கள கடற்படையினர் கடும் தாக்குதல் நடத்தியதுடன் அவர்களை மிகவும் இழிவாக நடத்தியுள்ளனர்.

கடந்த 60 ஆண்டுகளாக நம் மீனவர்கள் மீது தொடர்ந்து சிங்கள கடற்படையினர் தாக்குதல் நடத்திக் கொலை செய்வதும், அவர்களின் படகுகள் மோசமான முறையில் சேதப்படுத்தப்பட்டு, வலைகள் அறுக்கப்பட்டு, மீன்கள் கொள்ளையடிக்கப்படுவதும் அதனை நம் அரசியல் தலைவர்கள் கண்டித்து வெற்று அறிக்கை வெளியிடுவதும் தொடர்கதையாக உள்ளது.

தமிழக மீனவர்கள் இந்திய கடல் பகுதிக்குள் கூட மீன் பிடிக்க முடியாத அளவுக்கு இலங்கை கடற்படையின் அத்துமீறல்கள் நாளுக்கு நாள் அதிகரித்தபடி உள்ளது இந்த முறையாவது நாம் இதனைத் தடுத்து நிறுத்த வேண்டும்.இந்த நிலைக்கு காரணம் மத்தியிலும் மாநிலத்திலும் ஆட்சி, அதிகாரத்தில் இருப்பவர்களின் கையாலகாத்தனம் தான்.

இலங்கைக் கடற்படையால் சுட்டுக் கொல்லப்பட்ட இந்தியர்களான தமிழக மீனவர்களின் குடும்பங்களுக்கு இதுவரை- ஒரு உயிருக்குக் கூட – இந்திய அரசின் சார்பில் நிதியுதவியோ அல்லது வேறு வகையான உதவிகளோ செய்யப்படவில்லை – குறைந்தபட்சம் ஆறுதல் கூட தெரிவிக்கப்பட்டதில்லை. இது குறித்து இதுவரை இந்திய தூதரகம் பெயரளவுக்கு கூட இலங்கையிடம் ஒரு கண்டனம் தெரிவிக்கவில்லை.

சில மாதங்களுக்கு முன் டெல்லியில் உள்ள இலங்கை தூதரகத்தின் முன் இன உணர்வாளர்கள் நடத்திய ஆர்ப்பாட்டத்தால் அங்குள்ள பூத்தொட்டி உடைந்தவுடன் பதைபதைத்து தன் கவலையை இலங்கைக்கு தெரிவித்த மத்திய அரசு, உடனடியாக விசாரணையை முடுக்கிய மத்திய அரசு, இது வரை செத்த 500க்கும் மேற்பட்ட தமிழ் மீனவனுக்கு என்ன செய்திருக்கிறது?

பிரான்சில் சீக்கியனின் மயிர்ப் பிரச்சனைக்காக விமானம் ஏறிச்சென்று வாதாடிய இந்தியப் பிரதமர் மன்மோகன் சிங் தினசரி கொல்லப்பட்டுக் கொண்டிருக்கும் தமிழ் மீனவனின் உயிர் குறித்து என்றாவது அக்கறை காட்டியிருக்கின்றாரா? சீக்கியனின் மயிருக்கு இருக்கும் மதிப்பு கூட தமிழ் மீனவனின் உயிருக்கு இல்லையா?

இது தான் இந்திய ஒருமைப்பாட்டின் லட்சணமா?:

இந்தியாவின் கிழக்கு கடற்படை காமாண்டோ ராஜசேகர் நேற்று அளித்த பேட்டியில் இலங்கை கடற்படையினர் இந்தியாவில் எங்களை மீறி நுழைய வாய்ப்பில்லை என்று சொல்லியிருக்கின்றார்.அப்படியானால் அவர்களுக்குத் தெரிந்து தான் இத்தகைய சம்பவங்கள் நடக்கிறதா?.

வழக்கம் போல் நமது முதல்வரும் கடிதம் எழுதி பிரச்சனையை முடித்து விட்டார். தமிழர்களின் பிரச்சனைக்கு மத்திய அரசுக்கு கடிதம் எழுதுவதையே தீர்வாக சொல்லும் முதல்வரே, மத்திய அரசு இப்பிரச்சனையத் தீர்க்க ஒன்றும் செய்யவில்லை என்று மத்தியில் பதவி வகித்துக்கொண்டே நேற்று கூறியிருக்கிறார். இந்த முறையும் கடிதம் எழுதிவிட்டு வழக்கம் போல் பிரச்சனையை முடித்து விட்டார்.

பதவிகளைப் பெறுவதற்கு விமானம் ஏறும் முதல்வர் மீனவர் பிரச்சனைக்கு கடிதம் மட்டும் எழுதி கடமையை முடித்து விட்டார். இது தொடர்கதையாகி விடக்கூடாது.

ஆகவே இந்த முறையாவது தமிழகத்தின் அனைத்து அரசியல் கட்சிகளும் ஓரணியில் திரண்டு நம் மீனவனின் பிரச்சனைக்கு நிரந்தர தீர்வு காண வேண்டும். முதற் கட்டமாக இதுவரை உயிரிழந்த மீனவர்கள் அனைவருக்கும் 10 லட்ச ரூபாய் நஷ்ட ஈடும், இறந்தவரின் குடும்பத்தில் ஒருவருக்கு அரசு வேலையும் அளிக்க வேண்டும். இல்லையெனில் இந்திய இறையான்மை என்பது வரைபடத்தில் மட்டுமே இருக்கும் ஒன்றாக மாறிவிடும் என்று கூறியுள்ளார் சீமான்.

துப்பாக்கி கலாசாரம் இனிமேல் திணிக்கப்படுமோ!

என்ன சொன்னாலும் எங்களுக்கு சொரணை வராது

சீமானின் வரிகள் அனைத்தும் தெள்ள தெளிந்த வார்த்தைகள். ஆனால் ..பதில் சொல்வதற்குதான் ஆளில்லை.

உண்மையிலேயே இப்போது தமிழனின் உயிர் நாயை விட கேவலமாகி விட்டது .
முழு முக்கிய காரணம்.. வெட்கம் கெட்ட தமிழக மக்கள்.
அரசியவாதிகள் கொடுக்கும் 5 அல்லது 10 ரூபாய்க்காக தெரு நாய்களை ஒட்டு போட்டு தேர்ந்துதேடுத்து அவர்கள் தேர்ந்தெடுத்த மக்களின் மானத்தையும் வாங்கி கப்பலேற்றி விட்டு, அரசியல் நாய்கள் அவர்களின் சொந்த குடும்பத்துக்கு அடுத்த 50 தலைமுறை நூற்றாண்டுகளுக்கு சொத்து சேகரிப்பதை வேடிக்கை பார்த்துகொண்டு நாதி அற்று நாக்கை தொங்க போட்டு திரியும் நமது மக்கள்தான் முதன்மை குற்றவாளிகள். அதிகார பலம் உள்ள அரசியல் பன்னாடைகள் பாராளுமன்றத்தில் ஏன் தங்களின் குரலை தனது இனதுக்காக ஓரிரு வரிகளை கூட உரைக்காமல் இருக்கிறார்கள் ?
இதயம் அழுகி கிடக்கும் இவர்களுக்கு என்ன தகுதி இருக்கிறது .. உலக தமிழ் மாநாடு மட்டும் நடத்துவதற்கு ..அதிலே தனக்கு தானே புகழாரம் சூட்டிக்கொண்டு உயிரற்ற்ற ஜடம் போல் காட்சி அளிக்கும் நாதாரிகள் இவர்கள்

vbharathan wrote:சீமானின் வரிகள் அனைத்தும் தெள்ள தெளிந்த வார்த்தைகள். ஆனால் ..பதில் சொல்வதற்குதான் ஆளில்லை.

உண்மையிலேயே இப்போது தமிழனின் உயிர் நாயை விட கேவலமாகி விட்டது .
முழு முக்கிய காரணம்.. வெட்கம் கெட்ட தமிழக மக்கள்.
அரசியவாதிகள் கொடுக்கும் 5 அல்லது 10 ரூபாய்க்காக தெரு நாய்களை ஒட்டு போட்டு தேர்ந்துதேடுத்து அவர்கள் தேர்ந்தெடுத்த மக்களின் மானத்தையும் வாங்கி கப்பலேற்றி விட்டு, அரசியல் நாய்கள் அவர்களின் சொந்த குடும்பத்துக்கு அடுத்த 50 தலைமுறை நூற்றாண்டுகளுக்கு சொத்து சேகரிப்பதை வேடிக்கை பார்த்துகொண்டு நாதி அற்று நாக்கை தொங்க போட்டு திரியும் நமது மக்கள்தான் முதன்மை குற்றவாளிகள். அதிகார பலம் உள்ள அரசியல் பன்னாடைகள் பாராளுமன்றத்தில் ஏன் தங்களின் குரலை தனது இனதுக்காக ஓரிரு வரிகளை கூட உரைக்காமல் இருக்கிறார்கள் ?
இதயம் அழுகி கிடக்கும் இவர்களுக்கு என்ன தகுதி இருக்கிறது .. உலக தமிழ் மாநாடு மட்டும் நடத்துவதற்கு ..அதிலே தனக்கு தானே புகழாரம் சூட்டிக்கொண்டு உயிரற்ற்ற ஜடம் போல் காட்சி அளிக்கும் நாதாரிகள் இவர்கள்

அருமை நண்பா ........ அரசியல் வாதிகளை திட்டி பிரயோஜனம் இல்லை....
இன்னும் நம் மக்கள் திருந்தாமல் இருபது தான் மிக வேதனையான விஷயம்

ஆஹா போற போக்க பாத்தா இந்த தேர்தல்ல 1 சீட்டாவது வாங்கிடுவார் போல இறுக்கே

நடத்துங்க,நடத்துங்க


ராம்