அரவான்-வசந்தபாலனின் முறையான அறிவிப்பு!

ரபீக் · ரபீக் Thu Jul 08, 2010 4:18 pm

கால பைரவன், மஹாபலி என்றெல்லாம் யோசிக்கப்பட்ட வசந்த பாலன் பட டைட்டில் தற்போது அதிகாரபூர்வமாக அறிவிக்கப்பட்டிருக்கிறது. அரவான். அப்படியென்றால், ஆண்மை பொருந்தியவன், சர்வ வல்லமை படைத்தவன், 32 லட்சணங்கள் கொண்டவன், இளகிய மனம் கொண்டவன் என்று பொருளாம். (நல்லவேளையாக தமிழ் அகராதியை புரட்ட விடவில்லை. டைரக்டரே விளக்கம் கொடுத்துவிட்டார்)

இவர்கள் சொல்லும் அத்தனை பொருளும் படத்தில் நடிக்கும் ஆதிக்கே பொருந்துகிறது. இப்படத்திற்காக உடம்பை இன்னும் இறுக்கிக் கொண்டு நடமாடும் ஆதி, இரண்டு ஹீரோயின்களோடு டிராவல் செய்யப் போகிறார். ஒருவர் பேராண்மை படத்தில் ஐந்து ஹீரோயின்களில் ஒருவராக நடித்த தன்ஷிகா. மற்றவர் அர்ச்சனா கவி. ஆதிக்கு இணையான இன்னொரு கேரக்டரில் நடிக்கிறார் பசுபதி.

நாம் முன்பே குறிப்பிட்ட மாதிரி, இப்படத்தின் இசையமைப்பாளராக அறிமுகம் ஆகிறார் பாடகர் கார்த்திக். சமீபத்தில் வந்த ராவணன் படத்தில் 'உசுரே போகுது' பாடலை பாடியது இவரேதான். வெயில் படத்திற்கு பிறகு வசந்த பாலன் படங்களுக்கு ஒரு தனி அட்ராக்ஷன் ஏற்பட்டிருக்கிறது ரசிகர்கள் மத்தியில். அந்த பெயரை நிலை நிறுத்திக் கொள்கிற அளவுக்கு இப்படத்தை இழைத்துக் கொண்டிருக்கிறாராம் வசந்தபாலன்.