அதிர அதிர ஆடிய அம்மா நடிகை நள்ளிரவில் ஒரு சிவதாண்டவம்

ரபீக் · ரபீக் Thu Jul 08, 2010 4:17 pm

நாற்பதை கடந்தவர்களுக்கு கவிதா என்ற பெயரை கேட்டாலே மனசுக்குள் மணியடிக்கும்! இப்போதுள்ள ரசிகர்களுக்கு அவர் அம்மா நடிகை! பெயரை கேட்டும் அடையாளம் தெரியாதவர்கள் பாண்டவர் பூமி படத்தில் நடித்த அம்மா கவிதாவை நினைவில் கொள்க!

இதுதான் அவர் தமிழில் நடித்த கடைசி படமாக இருக்கும். அதன்பின் ஆந்திரா பக்கம் நகர்ந்து தெலுங்கு தேசம் கட்சிக்காக பாடுபட ஆரம்பித்துவிட்டார். கட்சி, களேபரம் என்று இருந்தவரை மீண்டும் தமிழுக்கு கொண்டு வந்திருக்கிறார்கள். சொல்லி அடிப்பேன் பட இயக்குனர் ராம்கி இயக்கும் நானும் என் காதலும் என்ற படத்தில் ஸோலோ வில்லியாக நடிக்கிறாராம் கவிதா. (கிட்டதட்ட சொர்ணாக்கா) தாய் மண்ணை மிதித்த சந்தோஷம் முகத்தில் தாண்டவம் ஆட, அதே சந்தோஷத்தில் அவர் சிவ தாண்டவம் ஆடிய கொடுமைதான் இப்போது நாம் சொல்லப் போவது.

சில தினங்களுக்கு முன் வடபழனி 100 அடி சாலையில் உள்ள பிரபல நடிகரின் பெயரில் அமைந்த ஹோட்டலில் முதல் புளோருக்கு போனார் கவிதா. அங்கு என்ன இருக்கிறதென்று போயிருப்பவர்கக்கு புரியும். கிண்ணங்கள் உரசிக் கொள்ள கிண் கிண் என்ற சத்தங்கள் கேட்டது முதலில். அப்புறம் அந்த மிகப்பெரிய ஹாலே அதிர்ந்து போகிற விதத்தில் ஆட்டம் போட்டாராம் கவிதா. ஆந்திராவில ரோஜா இடத்தை எனக்கு கொடுத்திட்டாங்க. இது ஒரு சந்தோஷம். இப்போ தமிழ்லயும் ரீ என்ட்ரி கொடுத்திருக்கேன். இது ஒரு சந்தோஷம் என்று உரக்க குரல் எழுப்பிய கவிதா பிறகு பேசியது எதுவும் பிரதி எடுக்கிற மாதிரி இல்லை என்கிறார்கள் அக்கம் பக்கத்தில் நின்று ரசித்தவர்கள்!