ஹரியை அழைக்கும் ரஜினி சத்யா மூவிசின் சைலண்ட் மூவ்!

ரபீக் · ரபீக் Wed Jul 07, 2010 5:34 pm

'சுரக்கிற காம்புதான் கறக்கிறவனுக்கும் சந்தோஷத்தை தரும்' என்பதை பக்குவமாக நிரூபித்து வருகிறார் டைரக்டர் ஹரி. இவர் இயக்குகிற படங்கள் மினிமம் கியாரண்டி என்பதுடன் மினிமம் ஹிட் என்பதும் வெல்லக்கட்டி விஷயமாக இருக்கிறது திரையுலகில். லேட்டஸ்ட்டாக ஹரியின் சிங்கம் படு பரபரப்பான வெற்றி என்பதால் இவரை வளைத்துப் போடவும் போட்டா போட்டி நடக்கிறது திரையுலகத்தில்.

கடந்த சில வாரங்களுக்கு முன் ஹரி வீட்டுக்கு குடும்பத்தோடு விருந்துக்கு போன சிவகுமார், கிளம்பும்போது பெரும் தொகை ஒன்றை அவரது கைகளில் திணித்தாராம். அதிர்ந்து போன ஹரியிடம், 'இதை அட்வான்சா வச்சுக்குங்க. எப்போ எங்களுக்கு படம் பண்ணனும்னு தோணுதோ, அப்போ சொல்லுங்க செய்வோம். அவசரமில்ல' என்று கூறினாராம். இந்த அட்வான்ஸ் இவரது நெருங்கிய உறவினர் ஞானவேலுவின் கம்பெனி சார்பாக என்பதை எளிதாக புரிந்து கொள்ளலாம்.

இதற்கிடையில் இன்னும் ஒரு அழைப்பு ஹரிக்கு. மீண்டும் படம் தயாரிக்க வந்திருக்கும் சத்யா மூவிஸ் நிறுவனம், ரஜினியைதான் அதில் ஹீரோவாக்க போகிறது. ரஜினி நடித்த முந்தைய படம் ஒன்றையே ரீமேக் பண்ணப் போகிறார்கள் என்ற ஹேஷ்யமும் நிலவுகிறது. அதே நேரத்தில் இந்த ரஜினி படத்தை இயக்கச் சொல்லி ஹரியிடம் கேட்டிருக்கிறதாம் சத்யா மூவிஸ். ரஜினி சைடில் இருந்தும் கிரீன் சிக்னல்!

ஆக, முதல் பாராவின் பழமொழிதான் மீண்டும் நினைவுக்கு வருகிறது.