விஜய்காந்த் நிரந்தரமாக அதிமுக அணிக்கு வர வேண்டும்: தா.பாண்டியன்

தேமுதிக தலைவர் விஜய்காந்த் விரைவில் நிரந்தரமாக அதிமுக அணிக்கு வர வேண்டும் என்று இந்திய கம்யூனிஸ்ட் கட்சியின் மாநிலச் செயலாளர் தா.பாண்டியன் அழைப்பு விடுத்துள்ளார்.

திருச்சி உறையூரில் இந்திய கம்யூனிஸ்டு கட்சியின் நிதியளிப்பு பொதுக்கூட்டம் நடந்தது. அதில் பேசிய பாண்டியன் கூறியதாவது:

மத்திய, மாநில அரசுகள் மீது எப்போது மக்கள் நம்பிக்கையை இழக்கிறார்களோ, அப்போது வன்முறை வெடிக்கும். வட மாநிலங்களில் மாவோயிஸ்டுகள் கை ஓங்கி வளர்ந்ததற்கு இதுதான் மூலகாணம். எனவே அவர்களின் லட்சியம் என்ன என்பதை மத்திய-மாநில அரசுகள் ஆலோசித்து, அதற்கேற்ப நடவடிக்கை எடுக்க வேண்டும்.

வன்முறையில் ஈடுபடும் மாவோயிஸ்டுகளை ஒடுக்க இலங்கை அதிபர் ராஜபக்சேவை அழைக்கலாம் என்று யோசனைகள் கூறப்படுகின்றன. இதைவிட வெட்கக்கேடான விஷயம் எதுவும் இருக்க முடியாது. உலகிலேயே 6வது பெரிய ராணுவத்தை கொண்ட நமது நாட்டில் இதுபோன்ற கருத்துக்கள் அபத்தமானவை.

பெட்ரோலிய பொருட்களின் விலை உயர்வுக்கு, உலக சந்தையில் கச்சா எண்ணை விலை உயர்ந்து விட்டது என்ற காரணத்தை அடிக்கடி கூறிவருவது ஏற்க முடியாது.

நமது நாட்டிலேயே 45 சதவீத பெட்ரோலியம் எடுக்கப்படுகிறது. தனியார் முதலாளிகளுக்கு சொந்தமாக 7 எண்ணை கிணறுகள் உள்ளன. மத்திய அரசின் தவறான கொள்கையால் தான் பெட்ரோல், டீசல், கேஸ் மற்றும் மண்ணெண்ணை விலை உயர்ந்துள்ளது.

இப்படிப்பட்ட ஆட்சியை மக்கள் அகற்ற வேண்டும். இந்த விலையேற்றத்தை கண்டித்து நாளை நடைபெறும் நாடு தழுவிய வேலைநிறுத்தப் போராட்டத்துக்கு அதிமுக, மதிமுக உள்ளிட்ட பல்வேறு கட்சிகள் ஆதரவு தெரிவித்துள்ளன.

நடிகர் விஜயகாந்த் மட்டும், பெட்ரோல், டீசல் விலை உயர்வை கண்டித்து தேமுதிக தனியாகப் போராடும் என்று அறிவித்துள்ளார்.

தனி கட்சிக்காக இருந்து போராடுவது இருக்கட்டும். இனிமேலாவது தனியாக போராடுவதை கைவிட்டு விட்டு விரைவில் நிரந்தரமாக எங்கள் அணிக்கு வாருங்கள் என்று தேமுதிக தலைவர் விஜயகாந்துக்கு அழைப்பு விடுக்கிறோம்.

மக்கள் விரோத ஆட்சியாளர்களை எதிர்த்து அனைவரும் ஒன்று திரண்டு போராடினால் தான் வெற்றி கிடைக்கும் என்றார்.

ஆஹா ஊரு ஒன்னு கூடுதுப்பா.

பிச்ச wrote:ஆஹா ஊரு ஒன்னு கூடுதுப்பா.

தலை நாம ஒரு கட்சி தொடங்குவோமா

பிளேடு பக்கிரி wrote:

பிச்ச wrote:ஆஹா ஊரு ஒன்னு கூடுதுப்பா.

தலை நாம ஒரு கட்சி தொடங்குவோமா

இருக்குற கட்ச்சியை என்னவே பலநாள் ஆகும், இதுல புதுசா இன்னொன்னா? தேவைதான்.
அதுபோக வாக்காளர்களுக்கு பணம் கொடுக்கணுமே! அதானே பிரச்சனை.

கடைசில் இப்படிதான் போகும் .போகவேண்டிவரும் ....நாளை திமுக வுக்கு போகலாம் .....அணி மாறுவது அரசியலில் இதுவெல்லாம்

வன்முறையில் ஈடுபடும் மாவோயிஸ்டுகளை ஒடுக்க இலங்கை அதிபர் ராஜபக்சேவை அழைக்கலாம் என்று யோசனைகள் கூறப்படுகின்றன. இதைவிட வெட்கக்கேடான விஷயம் எதுவும் இருக்க முடியாது. உலகிலேயே 6வது பெரிய ராணுவத்தை கொண்ட நமது நாட்டில் இதுபோன்ற கருத்துக்கள் அபத்தமானவை.

இது இந்தியா வுக்கு மானக்கேடு எதுக்கு பிரதமர் ஜனாதிபதி ராணுவம் எதற்கு.............அன்புடன் அருண்...........