இதுதண்டா விஜயசாந்தி..!

**Tamilzhan** · **Tamilzhan** Fri Jul 02, 2010 2:04 pm

நடிகை விஜயசாந்தியை கைது செய்ய வந்த போலீசுடன் தொண்டர்கள் ரகளையில் ஈடுபட்டுள்ளனர்.

ஐதரபாத்தில் உள்ள நடிகை விஜயசாந்தி எம்.பி. யை கைது செய்ய போலீசார் அவர் வீட்டுமுன்பு குவிந்தனர். இதனால் ஆத்திரம் அடைந்த தொண்டர்கள் கைது செய்ய விடாமல் தடுத்தனர்.

இதனால் போலீசார் தொண்டர்களிடையே தள்ளுமுள்ளு ஏற்பட்டு பின்பு மோதலாகியுள்ளது. இதனால் ஐதராபத்தில் பதட்டம் நிலவுகிறது.

ஆந்திர மாநிலத்தில், 12 தொகுதிகளுக்கான இடைத்தேர்தல் வரும் 27-ந்தேதி நடக்க இருக்கிறது.
இதையொட்டி நேற்று ஐதராபாத்தில் உள்ள தெலுங்கானா கட்சி தலைமை அலுவலகத்தில் ஆலோசனை கூட்டம் நடந்தது.

இந்தக் கூட்டத்தில் நடிகை விஜயசாந்தி பேசுகையில்,“இடைத் தேர்தலில் நமது தெலுங்கானா கட்சியினர் 12 தொகுதிகளிலும் அதிக ஓட்டு வித்தியாசத்தில் வெற்றி பெற வேண்டும்.

இதற்காக அனைத்து தொண்டர்களும் இப்போதிருந்தே பிரசாரத்தில் ஈடுபட வேண்டும்.

தனி தெலுங்கானா மாநிலம் அமையும் வரை நான் ஓய மாட்டேன். தெலுங்கானாவுக்கு எதிராக யார் பேசினாலும் அவர்களை வெட்டிக் கொல்வேன். நான் தெலுங்கானா பெண். யாருக்கும் பயப்பட மாட்டேன்” என்று அவர் கூறினார்.

விஜயசாந்தியின் இந்தப் பேச்சு பொதுமக்களை கலவரத்திற்கு தூண்டி விடுவதாக உள்ளது என, 505 (2), 153 (ஏ) ஆகிய பிரிவுகளின் கீழ் போலீசார் வழக்கு பதிவு செய்தனர்.

இதையடுத்து அவரை கைது செய்ய போலீசார் சென்றபோது கலவரம் வெடித்துள்ளது.