லவ்வர்சை ஃபிரியா வுடு...வில்லன் இல்லாத படம்!

வேதா என்ற படத்தை தயாரித்தவர் வாசு பாஸ்கர். இவரது அடுத்தப்படம் மறுபடியும் ஒரு காதல். முதல் படத்திற்கும் இதற்கும் ஒரு வித்தியாசம். இப்படத்திற்கு இவர்தான் டைரக்டர்! ஒரு படத்திலேயே தொழிலை கத்துகிட்டு டைரக்ட் பண்ண வந்திட்டியா என்று சிலர் கேட்கிறாங்க. சினிமா மேல தீராத காதல் இருக்கு எனக்கு. திரும்ப திரும்ப இங்கதான் என்னோட முதலீடு இருக்கணும்னு நினைக்கிறேன். முதல் படத்தில பல கோடி நஷ்டம். அதுக்காக சும்மாயிருந்திட முடியும்னு தோணல. இப்ப எடுக்கிற படம் ஓடலைன்னாலும் சரி. இன்னும் சில கோடிகளை இழக்க தயாராக இருக்கேன் என்கிறார் போல்டாக! (யதார்த்தமா பேசுற ஒரே டைரக்டர் இவருதான் போலிருக்கு)

படத்தில் நடிக்கிற ஹீரோ, ஹீரோயின்கள் புதுமுகம் என்றாலும், வடிவேலு, சுமன் என்று பெரிய நடிகர்களையும் நடிக்க வைத்திருக்கிறார் வாசு பாஸ்கர். மேலோட்டமாக பார்த்தால் சின்ன படமாக தோன்றும். நிஜத்தில் எக்கச்சக்க செலவு என்கிறார். சொன்ன மாதிரியே லண்டனில் 40 நாட்களுக்கு மேலாக படப்பிடிப்பு நடத்தப்பட்டிருக்கிறதாம்.

ரேணிகுண்டா படத்தில் கால் கேர்ளாக நடித்திருக்கும் சஞ்சனா இதில் ஒரு குத்தாட்டம் போட்டிருக்கிறார். கூடவே ஆடியிருக்கிறார் பத்திரிகையாளர் தேவராஜ். கதாநாயகி ஜோஸ்னா ஜெயம் ரவியின் ரிலேட்டிவ்வாம். அதுமட்டுமல்ல, அந்தகால ஹீரோயின் சரோஜாவின் மகளும் கூட. இந்தம்மா பிலிம் இன்ஸ்ட்டியூட்டில் ரஜினியுடன் ஒன்றாக படித்தவராம். (அப்படி போடு)

வில்லன்கள் இல்லாத காதலுக்கு எதிர்ப்பே இல்லாத காதல் படம் இது. ஆனாலும் காதலர்கள் சேர முடியாமல் ஒரு விஷயம் தடுக்கும். அதை மீறி எப்படி இணைந்தார்கள் என்பதுதான் மறுபடியும் ஒரு காதல் என்று சஸ்பென்ஸ் வைக்கிறார் வாசு பாஸ்கர்.