உலகத் தலைநகரங்கள்- கோலாலம்பூர்

**சிவா** · **சிவா** Thu Jul 01, 2010 3:44 am

இரப்பர் மற்றும் பனை எண்ணை (பாமாயில்) உற்பத்தியில் உலக அளவில் முன்னணி நாடாகத் திகழும் மலேசியாவின் தலைநகரம் கோலாலம்பூர். இது 94 சதுர மைல் பரப்பளவு உடையது. 2006-ம் ஆண்டு நடந்த கணக்கெடுப்பின்படி 1.6 மில்லியன் மக்கள் அங்கு வசிக்கின்றனர். மக்கள் தொகை மற்றும் பொருளாதாரத்தில் மிக வேகமாக வளர்ந்து வரும் தலைநகரங்களில் கோலாலம்பூரும் ஒன்றாகும்.

உலகிலேயே மக்களால் தேர்ந்தெடுக்கப்பட்ட மன்னரால் ஆளப்படும் ஒரே நாட்டின் தலைநகரம் இது தான். மன்னர், அதிகாரிகள், நீதிபதிகள் போன்றோர்கள் இங்குதான் அதிகமாக வசிக்கின்றனர். மலேசியாவின் கலை மற்றும் பொருளாதார மையமாகக் கோலாலம்பூர் விளங்குகிறது. மலேசியாவில் அதிகமான மக்கள் தொகையைக் கொண்ட நகரமும் இதுதான்.

மலாய், தாய்மொழியாக உள்ளது. இஸ்லாம் சமூகத்தைச் சேர்ந்தவர்களே பெரும்பான்மையாக வசிக்கின்றனர். அரிசி, தேங்காய், கோதுமை, எண்ணை, ரப்பர் போன்றவை முக்கிய விளைபொருட்களாக உள்ளன. இங்குள்ள `பெட்ரோனாஸ் இரட்டைக் கோபுரங்கள்' உலகப் புகழ்பெற்றவை. மலேயர்கள் தவிர சீனர்கள், இந்தியர்களும் கோலாலம்பூரில் வசிக்கின்றனர்.

சுற்றுலா மூலம் கிடைக்கும் தொகையே முக்கிய வருவாயாக உள்ளது. `ஷாப்பிங்' செய்வதற்கு உலக அளவில் புகழ் பெற்ற இடமாகக் கோலாலம்பூர் திகழ்கிறது. அதற்கேற்றார் போல் பல்வேறு விதமான ஷாப்பிங் கடைகள் இங்கு உள்ளன. உள்ளூரில் உற்பத்தி செய்யப்படும் பொருட்கள் முதல் உலக நாடுகளில் உள்ள முக்கியமானப் பொருட்கள் அனைத்தும் இங்கு கிடைக்கின்றன.

கம்ப்ïட்டர், மின்னணு மற்றும் தகவல் தொடர்புக் கருவிகள், பனை எண்ணை போன்றவை முக்கிய ஏற்றுமதிப் பொருட்களாக உள்ளன. `ரிங் கிட்' என்ற பெயரில் நாணயம் புழக்கத்தில் உள்ளது. இங்கு அமைந்துள்ள பறவைப்பூங்கா, தெற்கு ஆசியாவிலேயே மிகப்பெரியதாகும்.

உலகத் தலைநகரங்கள்- கோலாலம்பூர்

உலகத் தலைநகரங்கள்- கோலாலம்பூர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக