சுகமிருக்க சுகம்தேடுகிறாய்..

ஹாசிம் · ஹாசிம் Sun Jul 25, 2010 11:11 am

சுந்தரப் புருசராய்
சுழலுகின்ற இப்பூமியில்
சுகங்கள் தேடி
சுற்றுகின்ற மனிதா..

உன்னில் திருப்தியுடன்
உறவுகள் பேணிவிட்டால்
உலக வீட்டினில்
உத்தம சுகம் தானடா

வளரந்த மகனாய்
வளர்த்து விட்ட பெற்றோரை
வளர்த்தெடுக்கும் குழந்தைகளாய்
வழுவாது நோக்குவதும் சுகமடா

கட்டிய துணையின்
கண்ணீர் துடைத்தெறிந்து
கண்களாய் நோக்குவதும்
கற்றறிந்த சுகமடா

பெற்ற குழந்தைக்கு
பெருவாழ்வு உகந்தழித்து
பெற்ற கடன் தீர்த்து விடு
பெற்றிடுவாய் சுகமதிகம்

தேடி விட்ட செல்வத்தை
தேவை தீர்ப்பதுடன்
தேடலுடையோருக்கு வழங்கிடு
தேடும் நிம்மதி கண்டுடுவாய்

உன்னைச்சுற்றி சுகமிருக்க
உலகெல்லாம் சுகம்தேடி
உவப்பற்ற உழைச்சலை
உடலுக்குத்தருவதேன்...

**ரிபாஸ்** · **ரிபாஸ்** Sun Jul 25, 2010 11:20 am

சூப்பர் நண்பா அருமையான வரிகள் உங்களுக்கு எனது ஆசை முத்தம்

ஹாசிம் · ஹாசிம் Sun Jul 25, 2010 5:01 pm

ரிபாஸ் wrote:சூப்பர் நண்பா அருமையான வரிகள் உங்களுக்கு எனது ஆசை

மிக்க நன்றி நண்பா

**சிவா** · **சிவா** Sun Jul 25, 2010 5:14 pm

நம் அருகிலேயே சந்தோஷ தருணங்களை வைத்துக் கொண்டு மற்ற இடங்களில் தேடி என்ன பயன் என அருமையாக விளக்கியுள்ளீர்கள் ஹாசிம்!

மஞ்சுபாஷிணி · மஞ்சுபாஷிணி Sun Jul 25, 2010 5:16 pm

சந்தோஷம் தேடி வெளியே போகாது
அகத்தின் அன்பாய் உறவுகள் சூழ
நட்பு வட்டாரம் அன்போடு அணைக்க
இதுவே உயர்வான உலகம் போற்றும்
நம்மிடமே உள்ள அற்புத சுகம்

என்று வரிகளால் மனதை மகிழ்வித்து கவி புனைந்த அன்பு தம்பி ஹாசிமுக்கு என் அன்பு பாராட்டுக்கள்... அன்பு மலர்