மர்லின் மன்றோவின் மார்பு எக்ஸ்ரே ரூ.22 லட்சத்திற்கு ஏலம்!

ரபீக் · ரபீக் Wed Jun 30, 2010 5:48 am

ஹாலிவுட் கவர்ச்சிக்கன்னியாகத் திகழ்ந்த நடிகை மர்லின் மன்றோவின் புகைப்படங்கள், உடமைகளைத்தான் ரசிகர்கள் கோடிகள் கொடுத்தாவது வாங்குவார்கள் என்று பார்த்தால் அவருடைய மார்பு எக்ஸ்ரே படத்தையும் ரூ.22 லட்சத்து சொச்சத்துக்கு வாங்கி இருக்கிறார்கள்.
1954 ஆம் வருடத்திற்குப் பின்னர் பல்வேறு மருத்துவமனைகளில் மர்லின் மன்றோ எடுத்துக்கொண்ட மார்பு எக்ஸ்ரே படங்களை, லாஸ்வேகாஸில் உள்ள ஜூலியன் ஏல நிறுவனம் நேற்று முன்தினம் ஏலத்திற்கு விட்டது. ரூ. 1.5 லட்சம் வரை மட்டுமே ஏலம் போகும் என்று எதிர்பார்த்திருந்த நிலையில் அபரிதமான விலைக்கு மர்லின் மன்றோவின் மார்பு எக்ஸ்ரே படங்கள் ஏலம் போயியுள்ளன.

புகைப்படங்கள் எடுத்துக்கொள்வதற்காக மர்லின் மன்றோ கடைசியாக அமர்ந்த நாற்காலி உள்ளிட்ட அவருடைய இதரப் பொருட்கள் ரூ.17.5 லட்சத்திற்கு ஏலம் எடுக்கப்பட்டன.

இந்த ஏலத்தில் 'டைட்டானிக்' திரைப்படத்தில் நாயகி கேட் வின்ஸ்லெட் அணிந்த ஒரு ஜோடி காதணி ரூ.12.5 லட்சத்துக்கும், நடிகை ஆட்ரி ஹெப்பர்ன் ' ஃபன்னி ஃபேசஸ்' என்ற திரைப்படத்தில் அணிந்த ஆடை ரூ.28 லட்சத்திற்கும் ஏலம் போயின.