கொக்குக்கு எத்தனை கால்கள்?

First topic message reminder :

ஒரு வீட்டில் வீட்டு உரிமையாளரும் அவருக்குத் துணையாகஒரு சமையல் காரரும் இருந்தனர்.

ஒரு நாள் வீட்டுக்காரர் பஜாரிலிருந்து வரும்போது கொக்குஒன்றை வாங்கிவந்து, சமையல்காரரிடம் கொடுத்து, “கொக்கு குழம்பு சமைத்து வை; குளித்துவிட்டு வருகிறேன்”என்று சொல்லிவிட்டு குளிக்கப் போனார். சமையல்காரர் குழம்பு சமைத்து வைத்துவிட்டு, குழம்பையும் சிறு அளவு கறியையும் டேஸ்ட் பார்க்கலாம் என்று டெஸ்ட் பண்ணியவர் கொக்கு கறி ருசியாய் இருக்கவே, கால் துண்டு ஒன்றை முழுவதும் சாப்பிட்டுவிட்டார்.

குளித்து வந்ததும் சாப்பிட அமர்ந்தார் வீட்டுக்காரர். சோறு பரிமாறப்பட்டதும் சாப்பிட ஆரம்பித்தார் அவர்.
முதலில் சமையல்காரர் முதலாளிக்குப் பிடித்த கொக்கின் கால் ஒரு துண்டை எடுத்துவைத்தார்.

“இன்னொரு கால் துண்டையும் வையப்பா” என்றார் முதலாளி.

“கொக்கிற்கு ஒரு கால்தானுங்க முதலாளி” என்றார் சமையல்காரர்.

“என்னது? கொக்கிற்கு இரு கால்கள் இருக்குமே?” என்றார் முதலாளி.

“இல்லீங்க ஒரு கால்தானுங்க” என்றார் சமையல்காரர்.

முதலாளி எவ்வளவோ சொல்லிப் பார்த்தும் சமையல்காரர் ஒப்புக்கொள்ளவில்லை.

முதலாளி சாப்பிட்டு முடித்ததும் சமையல்காரரை வயல்வெளிக்கு கொக்கு காட்ட அழைத்துச் சென்றார்.
வயலில் ஒரு கொக்கு ஒரு காலை மடக்கிக் கொண்டு ஒற்றைக் காலுடன் நின்றுகொண்டிருப்பதை பார்த்த
சமையல்காரர், “பாருங்க முதலாளி, கொக்குக்கு ஒற்றைக் கால்தான்” என்று முதலாளியிடம் காட்டினார்.

உடனே முதலாளி தன்னுடைய இரு கைகளையும் தட்டினார். சப்தம்கேட்டதும் கொக்கு தனது இரு காலகளையும் மடக்கி கொண்டு பறக்க ஆரம்பித்தது.”பார், கொக்கிற்கு இரு கால்கள்” என்று சமையல்காரரிடம் காட்டினார் முதலாளி.

“நீங்க இப்ப கை தட்டியதற்கு பதிலாக,சாப்பிட ஆரம்பிக்கும்போதே கை தட்டியிருந்தால் கொக்கிற்கு இரு கால்கள் வந்திருக்குமே” என்றாராம் சமையல்காரர்.

ஓ இரவு இரவா கொக்குக்கு கால் எண்ணுறீங்களோ??

இது கரகாட்டகாரன் வாழைபழ நகைச்சுவை மாதிரில இருக்கு...........

super

sudhakaran wrote:

சிவா wrote:உண்மையச் சொல்றோம்ல! அப்புறம் என்ன சிரிப்பு!

இருந்தாலும் நீங்க நிஜமாவே உண்மையை சொல்றிங்க...

அநியாயத்துக்கு இப்படி நல்லவராயிருக்கிறீங்களே