ஸ்ரேயா விட்ட பளார்

ரபீக் · ரபீக் Tue Jun 29, 2010 1:07 pm

'திருப்பதி சென்று திரும்பி வந்தால் ஓர் திருப்பம் நேருமடா'ன்னாரு சீர்காழி கோவிந்தராஜன். ஆனால் திருப்பதி போய் திரும்பி வந்த ஸ்ரேயாவுக்கு எரிச்சல் மேல் எரிச்சல்தான் வந்திருக்கு. காரணம், போன இடத்தில்... கூட்டத்தில்... ஒரு இளைஞன்.... 'நிறுத்துங்க. புரியுது' என்று சொன்னால் நீங்கள் புத்திசாலி வாசகர்தான். கோவிலாக இருந்தாலும் கேவலமாக நடந்து கொள்கிற இளைஞர்கள் எங்கும் இருக்கதானே செய்கிறார்கள்? ஸ்ரேயாவை 'டிஸ்ட்ரப்' செய்ததும் அப்படி ஒரு இளைஞன்தான். மற்றவர்கள் போல ஒதுங்கவில்லை ஸ்ரேயா. பளீரென்று அவன் கன்னத்தில் ஒரு பளார் விட்டார். பொறி கலங்கி போனது அவன் மட்டுமல்ல, அதை கவனித்துக் கொண்டிருந்த கூட்டமும்தான்.

நல்லவேளையாக தரிசனத்தை சிறப்பாக முடித்துவிட்டு வந்துவிட்டார் ஸ்ரேயா. அவர் அதிர்ந்து சிரித்தாலே செய்தி. இன்னொருவர் கன்னத்தில் அறைந்தால் என்னாகும்? பத்தி பத்தியாக எழுதி தீர்த்தன பத்திரிகைகள். இந்த நிலையில்தான் அந்த கேள்வியை எழுப்பினோம் ஸ்ரேயாவிடம். நீங்கள் யோகா, தியானமெல்லாம் செய்யுறீங்க. அந்த இடத்தில உணர்ச்சிவசப்பட்டு உங்க ரசிகன் ஒருத்தனோட கன்னத்தில அறைஞ்சிட்டீங்களே?

பூ ஒன்று புயலானது அந்த கேள்விக்கு பிறகு.... 'அவனா என்னோட ரசிகன்? என் ரசிகர்கள் அப்படியெல்லாம் நடந்துக்க மாட்டாங்க. அந்த இடத்தில நான் அப்படி செஞ்சதுதான் சரி. இனிமே அவன் கோவிலுக்குள்ளே மட்டுமல்ல, எங்கேயும் அப்படி நடந்துக்க மாட்டான். மற்றபடி என்னுடைய பெண்ணுரிமையை நிலைநாட்ட நினைச்சேனே தவிர யோகா, ஆன்மீகத்தையெல்லாம் பற்றி யோசிக்கிற நிலையில அப்போது நான் இல்லை' என்றார் ஸ்ரேயா.

பக்திக்காக கன்னத்தில போட்டுக்கலாம். இப்படி பக்தனையே கன்னத்தில போட்டுட்டாரே....