'ரிடையர்மென்ட் ஆவேன்' என்று சொல்லவே இல்லை: கருணாநிதி

உலகத் தமிழ் மாநாட்டுக்குப் பின் பதவி விலகுவேன் என்றோ, ரிடையர்மென்ட் ஆவேன் என்றோ சொல்லவே இல்லை என்று முதல்வர் கருணாநிதி கூறினார்.

கோவையில் இன்று நிருபர்களிடம் பேசிய அவர், கொடநாடு எஸ்டேட்டில் டீ தொழிற்சாலை அமைக்கப்பட்டுள்ளதாகக் கூறப்படுவது குறித்து விசாரிக்கப்படும்.

தமிழகத்தில் பேருந்துக் கட்டணம் உயராது. இலவச நிலம் வழங்கும்திட்டத்தில் முறைகேடு ஏதும் நடக்கவில்லை.

5 ஆண்டுகளுக்கு ஒருமுறை தமிழகத்தில் செம்மொழி மாநாடு நடத்தப்படும்.

நான் ரிடையர்மென்ட் ஆவேன் என்று சொல்லவே இல்லை.

செம்மொழி மாநாட்டுக்காக கைதிகளை விடுவிப்போம் என்றும் சொல்லவே இல்லை.

தமிழில் படித்தால் வேலை சட்டம் இந்த சட்டசபைத் தொடரிலேயே கொண்டு வரப்படலாம்.

செம்மொழி மாநாட்டுக்கு வருகை தந்த குடியரசுத் தலைவர் பிரதீபா பாட்டீல், தமிழக ஆளுநர் பர்னாலா, மத்திய உள்துறை அமைச்சர் ப.சிதம்பரம், மத்திய அமைச்சர் ஜி.கே.வாசன், மாநாட்டில் கலந்து கொண்ட அனைத்துக் கட்சி எம்எல்ஏக்கள், கலைஞர்கள், பொதுமக்கள், மாநாட்டுக்கு பணியாற்றிய அமைச்சர் அன்பழன், துணை முதல்வர் ஸ்டாலின், மாநிலங்களை உறுப்பினர் கனிமொழி, கோவை மாவட்ட ஆட்சியர், மாநாட்டின் பல்வேறு குழுக்களில் சிறப்பாக பணியாற்றியவர்கள், கோவை மேயர் ஆகியோருக்கும்,

தமிழறிஞர் வா.செ. குழந்தைசாமி, அனந்தகிருஷ்ணன், அவ்வை நடராஜன், பொற்கோ, வைரமுத்து மற்றும்

வெளிநாட்டு தமிழ் மக்கள் சிவதம்பி போன்வறவர்கள், சிறப்பாக பணியாற்றிய பத்திரிகையாளர்கள், காவல்துறையினருக்கு நன்றி.

மாநாடு நடைபெற ஒத்துழைத்த பொதுமக்களும் நன்றி.

தொடக்க விழாவில் பொதுமக்கள் 2 லட்சம் பேர் கூடினர். அன்று மாலையில் நடைபெற்ற இனியவை நாற்பது என்ற தலைப்பிட்ட கலை இலக்கிய வரலாற்று ஊர்திகளின் அணிவகுப்பில், சாலையில் இருபுறமும் நின்று கண்டுகளித்தோர் 5 லட்சம் பேர்.

24ம் தேதி முதல் 26ம் தேதி வரை 3 நாட்களில் மாநாட்டில் நடந்த கவியரங்கம், பட்டிமன்றங்களில் நாள்தோறும் சராசரியாக ஒன்றரை லட்சம் பேர் கலந்து கொண்டனர். பொது கண்காட்சி அரங்கிலும் மணிக்கு சுமார் 3,000 முதல் 4,000 பேர் வரையிலும், தினமும் 13 நேரம் மொத்தமாக, நாள்தோறும் 40,000 பேரும் என மொத்தம் 1,70,000 பேர் வருகை தந்துள்ளார்கள்.

இணைய மாநாட்டில் மொத்தம் 130 ஆய்வு கட்டுரைகள் சமர்பிக்கப்பட்டன.

மாநாடு நடந்த 5 நாட்களும் சுமார் 4 லட்சம் பேருக்கு, 30 ரூபாய் சலுகை விலையில் உணவு பொட்டலங்கள் வழங்கப்பட்டன. வெளிநாட்டு, உள்நாட்டு விருந்தினர்கள் என 92 ஹோட்டல்களில் 1,642 அறைகளில் 2,605 பேர் தங்கியிருந்தனர் என்றார்.

கேள்வி: கோவையில் நடைபெறும் செம்மொழி மாநாட்டில் கலந்து கொள்ளக் கூடாது என குடியரசுத் தலைவர் பிரதீபா பாட்டீலுக்கு இந்திய கம்யூனிஸ்ட் மாநிலத் தலைவர் தா.பாண்டியன் உள்ளிட்டோர் மனு அனுப்பியிருந்தார்களே?

முதல்வர் கருணாநிதி: மனு அனுப்பியது பற்றி எனக்குத் தெரியாது. பத்திரிகைகளில் பார்த்துதான் தெரிந்து கொண்டேன். அந்த மனுவை அலட்சிப்படுத்திவிட்டுத்தான் குடியரசு தலைவர் அவர்கள், தமிழர்களையும், உலகத் தமிழர்களையும் மதிக்கும் வகையில் வருதை தந்து சிறப்பித்தார். அதற்காக அவருக்கு நன்றி தெரிவிக்க கடமைப்பட்டிருக்கிறேன்.

அந்த மனுவில் இந்திய கம்யூனிஸ்ட் கட்சியின் தா. பாண்டியன் கையெழுத்திட்டிருந்தாலும், அக்கட்சியின் தேசியச் செயலாளர் டி.ராஜாவும், அக்கட்சியை சேர்ந்த சட்டமன்ற உறுப்பினர் சிவபுண்ணியம் அவர்களும் கலந்து கொண்டனர். அவர்களுக்கும் நன்றி தெரிவித்துக் கொள்கிறேன்.

அப்படியே ரிட்டையர் ஆயிட்டாலும்.......

குடும்பத்தையே மொத்தமா அரசியல்ல கொண்டு வந்ததுக்கு இவர் பேரை கின்னஸுல போடனும்...உயிர் போகும் வரை சேரை பிடிச்சுக்க்கிட்டே இருப்பார்.. என்னுது என்னுது என்னுதுன்னு...

மஞ்சுபாஷிணி wrote:அப்படியே ரிட்டையர் ஆயிட்டாலும்.......

குடும்பத்தையே மொத்தமா அரசியல்ல கொண்டு வந்ததுக்கு இவர் பேரை கின்னஸுல போடனும்...உயிர் போகும் வரை சேரை பிடிச்சுக்க்கிட்டே இருப்பார்.. என்னுது என்னுது என்னுதுன்னு...

:suspect:

மஞ்சுபாஷிணி wrote:அப்படியே ரிட்டையர் ஆயிட்டாலும்.......

குடும்பத்தையே மொத்தமா அரசியல்ல கொண்டு வந்ததுக்கு இவர் பேரை கின்னஸுல போடனும்...உயிர் போகும் வரை சேரை பிடிச்சுக்க்கிட்டே இருப்பார்.. என்னுது என்னுது என்னுதுன்னு...

நம்ம எல்லாரையும் மேல அனுப்பிடு தான் இவரு ரிட்டையர் ஆவாரு........

பிளேடு பக்கிரி wrote:நம்ம எல்லாரையும் மேல அனுப்பிடு தான் இவரு
ரிட்டையர் ஆவாரு........

இவர் இதே போல அடிகடி அதிர்ச்சி கொடுக்கிறார் ஏதாவது அறிக்கை மூலம் இல்லை ஏதாவது படத்துக்கு வசனம் எழுதி