அடையாறு அடுக்குமாடி குடியிருப்பில் மென்பொருள் பொறியாளர் தற்கொலை

ரபீக் · ரபீக் Mon Jun 28, 2010 10:17 am

திருமணம் ஆகி எட்டு மாதங்களே ஆன நிலையில் மென்பொருள் நிறுவனத்தில் வேலை செய்யும் பெண் பொறியாளர் தற்கொலை செய்துகொண்டுள்ளார்.
சென்னை அடையாறு கஸ்தூரிபாய் நகரில் உள்ள அடுக்குமாடி குடியிருப்பில் வசிப்பவர் வினோத் ராஜேஷ்குமார் (30). இவரது மனைவி தனலட்சுமி (27). எட்டு மாதத்துக்கு முன்பு திருமணம் நடந்தது. தரமணியில் உள்ள கம்பெனியில் இருவரும் சாப்ட்வேர் இன்ஜினியர்களாக உள்ளனர்.

நேற்று வினோத் வேலைக்கு சென்றார். தனலட்சுமி லீவு போட்டு வீட்டில் இருந்தார். காஞ்சிபுரத்தில் இருந்து தந்தை பேசும்போது தனலட்சுமி செல்போனை எடுக்கவில்லை. இதனால் மருமகனுக்கு போன் செய்து விஷயத்தை சொல்லியிருக்கிறார். அவரும் போன் போட்டபோது எந்த பதிலும் இல்லை. இதனால் உடனடியாக ஆபீசில் இருந்து வீட்டுக்கு வந்தார். உள்பக்கம் பூட்டப்பட்டிருந்த கதவை பலமுறை தட்டியும் திறக்கவில்லை. இதனால் கதவை உடைத்து உள்ளே சென்றார். மின்விசிறியில் தனலட்சுமியின் சடலம் தொங்கிக்கொண்டு இருந்தது.

அடையாறு உதவி கமிஷனர் நரசிம்மன், இன்ஸ்பெக்டர் செல்வம், எஸ்ஐ மாடசாமி சம்பவ இடத்துக்கு வந்தனர். தனலட்சுமி சடலத்தை பிரேத பரிசோதனைக்கு அனுப்பினர்.

இதுபற்றி போலீசார் வழக்குப்பதிவு செய்து வினோத்திடம் விசாரித்து வருகின்றனர். ஆர்டிஓ விசாரணைக்கு உத்தரவிடப்பட்டு உள்ளது.