அம்பானி சகோதரர்களை திருப்திப்படுத்தவே பெட்ரோல் விலை உயர்வு: தா. பாண்டியன்

**அருண்** · **அருண்** Sun Jun 27, 2010 12:40 pm

அம்பானி சகோதரர்களை திருப்திப்படுத்தவே பெட்ரோல் விலை உயர்வு: தா. பாண்டியன்
by அருண்...............
சென்னை,
ஜூன் 26: அம்பானி சகோதரர்களை திருப்திப்படுத்தவே இந்த பெட்ரோல் விலை
உயர்வை மத்திய அரசு அமல்படுத்தி உள்ளதாக இந்திய கம்யூனிஸ்ட் கட்சியின்
மாநிலச் செயலாளர் தா. பாண்டியன் தெரிவித்தார்.பெட்ரோல்,
டீசல் உள்ளிட்ட எரிபொருள்களின் விலை உயர்வை கண்டித்து தென் சென்னை மாவட்ட
இந்திய கம்யூனிஸ்ட் கட்சியினர் சென்னையில் சனிக்கிழமை கண்டனஆர்ப்பாட்டம்
நடத்தினர். இதில் தா. பாண்டியன் பேசியதாவது:பெட்ரோல், டீசல், மண்ணெண்ணெய், சமையல் எரிவாயு ஆகிய எரிபொருள்களின் விலையை மத்திய அரசு கடுமையாக உயர்த்தியுள்ளது. மத்திய
அரசுக்கு மக்கள் மீது அக்கறை கிடையாது. இந்த விலை உயர்வால் ஏழை, எளிய
மக்கள் அதிக அளவில் பாதிக்கப்படுவார்கள். மக்களை பாதிக்கும் வகையில்
அத்தியாவசியப் பொருள்களின் விலையை உயர்த்துவதே மத்திய அரசுக்கு
வாடிக்கையாகி விட்டது.இந்த விலைவாசி நிர்ணயம் செய்த
குழுவில் மு.க. அழகிரியும், ஆ. ராசாவும் இருந்துள்ளனர். ஆனால் அவர்கள்
இந்த விலை உயர்வுக்கு எந்தவிதமான எதிர்ப்பையும் தெரிவிக்கவில்லை. எனவே
இந்த விலை உயர்வு திமுகவினரின் முழு ஆதரவோடுதான்
அமல்படுத்தப்பட்டிருக்கிறது என்பது தெளிவாகிறது.இந்த விலை
உயர்வுக்கு எண்ணெய் நிறுவனங்களின் வீழ்ச்சியே காரணம் என மத்திய அரசு
தெரிவித்துள்ளது. ஆனால் இது உண்மைக்கு முற்றிலும் புறம்பானது. அம்பானி
சகோதரர்களையும், தனியார் எண்ணெய் நிறுவனங்களின் உரிமையாளர்களை
திருப்திபடுத்துவதற்கே இந்த விலை உயர்வு நடவடிக்கை மத்திய அரசால்
எடுக்கப்பட்டுள்ளது. ஏழை மக்களின் வாழ்க்கையை பெரிதும்
பாதிக்கும் இந்த எரிபொருள்களின் விலை உயர்வை மத்திய அரசு உடனே வாபஸ் பெற
வேண்டும். இல்லையெனில் இந்திய கம்யூனிஸ்ட் கட்சி சார்பில் நாடு முழுவதும்
பெரிய போராட்டங்கள் நடைபெறும் என்றார் அவர். தற்போது அரசாங்கம் தனியார் கையில்தான் உள்ளது இதை மாற்ற முற்படுவோம்.............என்றும் அன்புடன் ; அருண்.....................