சைபர் க்ரைம் போலீசில் ஐஸ்வர்யா ராய் பரபரப்பு புகார்

சைபர் க்ரைம் போலீசில் ஐஸ்வர்யா ராய் பரபரப்பு புகார்!
by அருண்............
முன்னாள் உலக அழகியும், பிரபல பாலிவுட் நடிகையுமான ஐஸ்வர்யா ராய், சைபர்
க்ரைம் போலீசில் பரபரப்பு புகார் ஒன்றை அளித்துள்ளார். நடிகை ‌ஐஸ்வர்யா
ராயின் பாஸ்போர்ட் என்ற பெயரில் இணைய தளங்களில் அவரது பாஸ்போர்ட்டை ஸ்கேன்
செய்து பரவ விட்டுள்ளனர். அதில் அவர் எந்‌‌தெந்த நாடுகளுக்கு போனார்,
எப்போது திரும்பினார், உண்மையான பிறந்த நாள் போன்ற விவரங்கள்
இடம்பெற்றுள்ளன. இதுபற்றி தகவல் அறிந்த ஐஸ்வர்யா ராய் அதிர்ச்சி
அடைந்தார். தனது பாஸ்போர்ட்டை இதுவரை யாரிடமும் கொடுத்ததில்லை என்று
கூறிய ஐஸ்வர்யா, இதுபற்றி சைபர் க்ரைம் போலீசுக்கு புகார் அளித்துள்ளார்.

அதில்,
எனது பாஸ்போர்ட்டில் இருக்கும் விவரங்கள் இணையதளங்களில் வெளியாகியுள்ளன.
அதில் நான் வெளிநாடு சென்று வந்த விரங்கள் முதல் எனது பிறந்த தேதி
உள்ளிட்டவைகள் இடம்‌பெற்றுள்ளன. ஸ்கேன் காப்பியும் வெளியிட்டுள்ளனர். எனது
பாஸ்போர்ட்டை வெளியாட்கள் யாரிடமும் கொடுத்ததில்லை. இது எப்படி வெளியானது
என தெரியவில்லை. எனவே எனது பாஸ்போர்ட்டை வெளியிட்டவர்கள் மீது நடவடிக்கை
எடுக்க வேண்டும், என்று கூறியிருப்பதாக தகவல்கள் தெரிவிக்கின்றன.

புகாரை
படித்த போலீசார், சமீப காலமாக யாரிடமெல்லாம் பாஸ்போர்ட் கொடுக்கப்பட்டது
என்று விசாரித்துள்ளனர். சில சினிமா தயாரிப்பு நிறுவனங்கள் மீது சந்தேகம்
ஏற்பட்டுள்ளது. விசா பெறும் நடைமுறைக்காக பட தயாரிப்பு நிறுவனங்களுக்கு
பாஸ்போர்ட்டை வழங்கியிருக்கிறார் ஐஸ்வர்யா ராய். அவர்களில் யாராவது
பாஸ்போர்ட்டை ஸ்கேன் செய்து இணையத்தில் வெளியிட்டிருக்கலாம் என்று
‌போலீசார் கருதுகிறார்கள். தொடர்ந்து விசாரணை நடந்து வருகிறது. மேலும்
நடிகை ஐஸ்வர்யா ராயின் பாஸ்போர்ட் நகல் பிரபல இணையதளம் ஒன்றில் வெளியானது பரபரப்பை ஏற்படுத்தியுள்ளது.
பாஸ்போர்ட்டில் அவரது பெயர் ஐஸ்வர்யா என்றும், பிறந்த தேதி 1.11.1973 என்றும் குறிப்பிடப்பட்டுள்ளது.
இணையதளத்தில் அவரது பாஸ்போர்ட் நகலை வெளியிட்டது யார் என்பது குறித்து மும்பை போலீஸார் தீவிரமாக விசாரித்து வருகின்றனர்

என்றும் அன்புடன் அருண்.................... இனிமேல் வயசு தெரியும்................

ஐசு 37 வயசு ஆன்ட்டியா