சார்க் மாநாட்டில் பங்கேற்க சிதம்பரம் இன்று பாகிஸ்தான் பயணம்

ரபீக் · ரபீக் Fri Jun 25, 2010 12:41 pm

பாகிஸ்தானில் சனிக்கிழமை (ஜூன் 26) நடைபெறவுள்ள சார்க் நாடுகளின் உள்துறை அமைச்சர்கள் மாநாட்டில் பங்கேற்க மத்திய உள்துறை அமைச்சர் ப.சிதம்பரம் வெள்ளிக்கிழமை பயணம் மேற்கொள்கிறார்.

மும்பை தாக்குதலுக்கு பின்னர் பாகிஸ்தானுக்கு செல்லும் முதலாவது அமைச்சர் ப.சிதம்பரம் என்பதால் அவரது இந்த பயணம் இரு நாடுகள் மத்தியிலும் பெரும் எதிர்பார்ப்பை ஏற்படுத்தியுள்ளது. ப.சிதம்பரம் வெள்ளிக்கிழமை பாகிஸ்தான் போய் சேர்ந்ததுமே அந்நாட்டு உள்துறை அமைச்சர் ரெஹ்மான் மாலிக்கை சந்தித்துப் பேசுவார் என்று எதிர்பார்க்கப்படுகிறது.

இந்த சந்திப்பின் போது, பாகிஸ்தான் மண்ணில் இருந்து இந்தியாவுக்கு எதிராக செயல்படும் பயங்கரவாதிகளை அடியோடு ஒழித்துக்கட்ட விரைந்து உரிய நடவடிக்கை எடுக்க வேண்டும் என்று ரெஹ்மான் மாலிக்கிடம் சிதம்பரம் வலியுறுத்துவார் என்று தெரிகிறது. மும்பை தாக்குதலில் முக்கிய குற்றவாளியான லஷ்கர்-இ-தொய்பா அமைப்பு தலைவர் ஹபீஸ் சயீத்துக்கு எதிராக நடவடிக்கை எடுக்குமாறு இந்தியா தொடர்ந்து வலியுறுத்தி வருகிறது. ஆனால் இந்த விவகாரத்தில் பாகிஸ்தான் தயக்கம் காட்டி வருகிறது.

பாகிஸ்தான் அரசின் இந்த போக்குக்கு ப.சிதம்பரம் எதிர்ப்பு தெரிவிப்பார். சயீத்துக்கு எதிராக தாமதிக்காமல் கடும் நடவடிக்கை எடுக்குமாறு அவர் வலியுறுத்துவார் என்றும் எதிர்பார்க்கப்படுகிறது. பாகிஸ்தான் சிறப்பு நீதிமன்றத்தில் நடந்து வரும் மும்பை தாக்குல் வழக்கு விசாரணையின் தற்போதைய நிலை குறித்தும் ரெஹ்மான் மாலிக்கிடம் ப.சிதம்பரம் கேட்டறிவார் என்று அதிகாரபூர்வ வட்டாரங்கள் தெரிவித்தன.

சார்க் மாநாட்டில் பங்கேற்க சிதம்பரம் இன்று பாகிஸ்தான் பயணம்

சார்க் மாநாட்டில் பங்கேற்க சிதம்பரம் இன்று பாகிஸ்தான் பயணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக