பூகம்பத்தால் சென்னை பேரழிவை சந்திக்குமா? இந்திய புவியியல் துறையின் திடுக்கிடும் தகவல்

இந்திய புவியியல் துறை சென்னையில் கடந்த இரண்டாண்டுகளாக ஆய்வு செய்து நிலநடுக்கம் ஏற்பட்டால் சென்னை நகரம் எந்த அளவுக்கு அழிவை சந்திக்கும் என்பது பற்றிய திடுக்கிடும் அறிக்கையை சமர்ப்பித்துள்ளது.

தொடர்ந்து இரண்டு ஆண்டுகளாக நடைபெற்று வந்த ஆய்வில் சென்னை மாநகரின் பல பகுதிகளில் இருந்து சுமார் 30 மீட்டர் ஆழத்தில் இருந்து மண் ஆய்விற்கு எடுத்து கொள்ளப்பட்டது. மண் எந்த அளவுக்கு வலிமையாக இறுகியுள்ளது என்று அந்த ஆய்வில் கண்டுபிடிக்கப்பட்டது. இதுதவிர செயற்கைகோள் மூலமாகவும் சென்னை பகுதிகளின் மண் அமைப்பு சோதிக்கப்பட்டது. நில நடுக்கம் அதிக பட்சமாக தாக்கும் பட்சத்தில் சென்னையின் மண் அமைப்பு எந்த அளவுக்கு மாறும் என்றும் பரிசோதனை மேற்கொள்ளப்பட்டது. இந்த ஆய்வு சமீபத்தில் முடிவடைந்தது. அதன் பின்னர் அந்த ஆய்வுப்படி சென்னை நகரம் பல்வேறு மண்டலங்களாக பிரிக்கப்பட்டு பூகம்பம் வரும் பட்சத்தில் சென்னையின் எந்தெந்த பகுதிகளில் பாதிப்பு இருக்கும் என்று அந்த ஆய்வறிக்கையில் கூறப்பட்டுள்ளது.

இந்த ஆய்வின்படியும் சென்னை மண் வளம் மற்றும் வலிமைப்படியும் வட சென்னை தான் அதிக ஆபத்துக்குரிய பகுதியாக கண்டறியப்பட்டுள்ளது. நிலநடுக்கம் ஏற்பட்டால் வடசென்னையில் உள்ள கட்டிடங்களுக்குதான் அதிக ஆபத்து ஏற்படும் என்றும் குறிப்பிடப்பட்டுள்ளது. வடசென்னையின் பூமி அடித்தட்டு நெகிழும் தன்மையாக உள்ளதே இந்த ஆபத்தான சூழ்நிலை நிலவுவதற்கு காரணமாகும். வடசென்னைக்கு அடுத்தப்படியாக வளசரவாக்கம் மற்றும் அதன் சுற்றுப்புற பகுதிகள் அண்ணாநகரும், அதன் சுற்றுப்புற பகுதிகளும் ஆபத்தான பகுதியில் இடம் பெற்றுள்ளன.

சென்னை அடையார் மற்றும் அதன் சுற்றுப்புற பகுதிகள் குறைவான பாதிப்புகளையே சந்திக்கும் என்று தெரிய வந்துள்ளது. மற்ற இடங்களில் பெரிய அளவில் பிரச்சினை இருக்காது என்று அந்த ஆய்வறிக்கையில் தெரிவிக்கப்பட்டுள்ளது. சென்னையில் பல பகுதிகளில் பூமி அடித்தட்டில் பாறைகள் நிறைந்ததாக உள்ளது. அந்த பகுதிகளில் கட்டப்பட்டுள்ள வீடுகளுக்கு எந்தவித ஆபத்தும் வர வாய்ப்பு இல்லை என்று தெரியவந்துள்ளது.

சர்வதேச அளவில் கணிக்கப்படும் எச்சரிக்கை அளவுபடி சென்னை நகரம் நிலநடுக்க அபாயப் பகுதியில் இல்லை. சென்னை நகரை இதுவரை அதிகபட்ச பூகம்பம் தாக்கவில்லை. என்றாலும் சமீபத்திய சுனாமி பேரலைக்குப் பிறகு ஏற்பட்டுள்ள மாற்றத்தால், தமிழ்நாட்டுக்கு பூகம்ப ஆபத்து இருப்பதாக எச்சரிக்கப்பட்டுள்ளது. நிலத்தடி நீர் அளவுக்கு அதிகமாக உறிஞ்சப்படுவதும் ஆபத்துக்கு வழிவகுக்கும் என்று எச்சரிக் கப்பட்டுள்ளது. சென்னையில் இனி கட்டப்படும் கட்டிடங் கள் அனைத்தும், பூகம்ப பாதிப்புகளை எதிர்கொள்ளும் வகையில் இருக்க வேண்டும் என்று அந்த ஆய்வறிக்கையில் அறிவுறுத்தப்பட்டுள்ளது.

தகவலுக்கு நன்றி நண்பா

அப்ப பழைய பூம்புகார் (காவிரிப் பூம் பட்டினம்) மாதிரி ஆயிடும்குறீங்க!

பிச்ச wrote:அப்ப பழைய பூம்புகார் (காவிரிப் பூம் பட்டினம்) மாதிரி ஆயிடும்குறீங்க!

அதுதான் அதிக அளவு ஆபத்து இல்லைன்னு சொல்லிட்டாங்க்ளே.. அப்பரம் என்ன ? பழைய பூம்புகார் (காவிரிப் பூம் பட்டினம்) மாதிரி அது இதுன்னு ஒளறல் அங்கே..

Aathira wrote:

பிச்ச wrote:அப்ப பழைய பூம்புகார் (காவிரிப் பூம் பட்டினம்) மாதிரி ஆயிடும்குறீங்க!

அதுதான் அதிக அளவு ஆபத்து இல்லைன்னு சொல்லிட்டாங்க்ளே.. அப்பரம் என்ன ? பழைய பூம்புகார் (காவிரிப் பூம் பட்டினம்) மாதிரி அது இதுன்னு ஒளறல் அங்கே..

சென்னை'ல அதும் அண்ணாநகர்'ல வீடு வாங்க நான் கனவு கண்டுட்ருக்கேன் இப்ப வந்து பூகம்பம்'னு பயமுறுத்துருங்களே...