பிரமிக்கச் செய்த மாற்றுத்திறனாளிகள்

கோவை ராம் · கோவை ராம் Thu Jun 24, 2010 5:55 pm

உலகத்தமிழ்ச் செம்மொழி மாநாட்டின் இரண்டாம் நாள் நிகழ்ச்சிகள், இன்று காலை 9.30 மணிக்கு துவங்கின. பல ஆயிரம் மக்கள் காலை 8.00 மணிக்கே மாநாட்டு அரங்கத்தில் சங்கமமாகியிருந்தனர்.

முதல் நிகழ்ச்சியாக செம்பனார் கோவில் சகோதரர்களின் மங்கல இசை முழங்கியது. அடுத்து, லாரன்ஸ் குழுவிலுள்ள மாற்றுத்திறனாளிகள் வழங்கிய கலைநிகழ்ச்சிகள் அரங்கேறின. இரு கால்களையும் இழந்த வாலிபர்கள் இருவர் நாற்காலி மீது சாகசங்களை புரிந்தவாறு, செம்மொழி மாநாட்டின் மைய நோக்கப்பாடலுக்கு ஏற்ப நடனமாடினர். அடுத்து வந்த இளைஞர்களும் பல்வேறு சாகசங்களை செய்து, அரங்கத்திலிருந்த மக்களை பிரமிக்கச்செய்தனர். இவர்களின் ஆடல் காட்சிகள் அரங்கேறிய போது, அரங்கமே அதிரும் வகையில் கரவோசை எழுந்தது. நிகழ்ச்சியின் முடிவில் லாரன்ஸ் பேசுகையில், தனது குழுவிலுள்ள மாற்றுத்திறனாளிகளான சிறுவர், சிறுமியர் 35 பேரின் இருதய அறுவைச்சிகிச்சைக்கு முதல்வர் கருணாநிதி உதவிக்கரம் நீட்டியதை நினைவுகூறி, மனமுருக பேசினார்.

தொடர்ந்து, பாலு தலைமையிலான 40 பேர் கொண்ட குழுவினரின் சலங்கை ஆட்டம் நடந்தது. "வந்திருக்கும் கூட்டத்துக்கும் வணக்கம்; வரப்போகும் கூட்டத்துக்கும் வணக்கம்' என்ற பாடலுடன் துவங்கிய சலங்கை ஆட்டம், பார்வையாளர்களின் செவிகளில் ஒலிமழையாக பொழிந்தது. மாநாட்டு அரங்கத்தில் கூடியிருந்த பலரும் எழுந்து நின்று உற்சாகத்தில் ஆடி மகிழ்ந்தனர். இந்நிகழ்ச்சிக்கு முத்தாய்ப்பாக அமைந்தது, அடுத்து நடந்த கிராமியப் பாடல்கள் நிகழ்ச்சி. சின்னப்பொண்ணு குமார் தலைமையிலான குழுவினர், கிராமிய மணத்துடன் பாடலிசைத்து பார்வையாளர்களை பெரிதும் ஈர்த்தனர்.

Uploaded with ImageShack.us

பிரமிக்கச் செய்த மாற்றுத்திறனாளிகள்

பிரமிக்கச் செய்த மாற்றுத்திறனாளிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக